Beliebte Verse in Afisa 4

Teilen

Se yi hok dizot ba̱yaan ba̱ brang, i ya cii da̱ni Ka̱za kan ya cii ka̱yat Kristi ni.

Yi yet ba̱shinshwon ba̱nyet i bu byyi hakuri bu ba̱yaan kozan ka̱ram rot cat nyin na.

Yi ryok wwon a̱ka̱tuk ba̱ryat a̱ wwut na̱nu nyin ba, se bu kyang a ni brang ba̱yaan bu ba̱ nok an kyang a ba cat i, rot kyang a yi ryat i i gi byyi ba̱nyet ba a̱ ya pfong ni amfani.

Rot a̱mi se yi jing a̱cwai ba̱ryat bu fwi diryen. Yi pfwi a̱cwrya bu ditok. Yi ryok kozan taka̱i dincwok.

Ka yya diryen, ryok wwon diryen nwan ti i tyyi a nwa a̱ka̱tukyya ba. Ryok kpa nom a yya diryen ba ho a bu nang a̱gwam a̱ka̱tuk tswa diwat.

Rot a̱mi se yi hwrok a̱kukwo swat nnyaan nyin nu jing, ba̱ a̱kukwo a̱yin nu a̱ yin shyi ba̱ nyin ni; a̱kukwo a̱yin a̱ywu a̱mi a̱ yin ya raai a̱ tyyi i cat ndwam. Dolet Ka̱za a̱ shei ndya nyin na ba̱ a̱huhwa nyin nu, na tyyi a̱hwai. Yi tyyi a̱hwai a̱yin nyin nu Ka̱za ka yya na̱ ka̱ tai ni ka̱yat ditsatsak bu dizizrak ti ti yet dira ni ba.

Yin tyyi ka̱ssi, i breng mon ka̱nu na Tswa Ka̱za ji zi ya ryi i tsswa nda na ya mon ni.

Nu a̱mi a̱ ka ba̱nyet ba za̱nang ji: a̱ tssa ba̱yanyet ba yet ba̱pfong nu, ba̱yanyet a̱ ssang ba̱ryat Ka̱za a̱ tyyei, ba̱yanyet ba nwai a̱ yya wa'azi, ba̱yanyet ba yet ba̱pastor bu ba̱nyet zzek. A̱ yin yya a̱mi, sa̱rei ba̱nyet tssup ba koyan a̱ ga yya pfong a Ka̱za kan ku tyyi ni, ba ga nok rwam Kristi na. Sa̱rei njit zi gi tung-dung ka̱yat wrak ndya njit ka bu bvwo na zi bvwo Ka̱won Ka̱za ni, har i si tat ka̱bvwa ka zi nin yet ba̱jyem ba̱nyet ba̱cicrak bu ka̱sak ka Yesu na̱n yet a̱jyem ni.

Wwon zi ni yet na̱mawon na wun ku hywap bvan koke ni bu zzek ba̱nyet dira ni ba. Ba̱nyet ba a̱ raai ba̱yanyet a̱ si tyyi a a̱ka̱tuk ryen, ta ka̱rek dira ti ba bvei ni. Seko zi wu ryat ka̱ryong ka̱yat gwai ba̱yaan, ka̱yat kozan kyang zi rai ka̱yat nu ka a̱ yet diccu njit ti ni, wato Kristi.