Beliebte Verse in Kaiwhakariterite 16

Teilen

Nā, ka mea tērā, “E Hamahona ko ngā Pirihitini ka eke ki a koe!” Nā, maranga ana ia i tāna moe, ka mea, “Ka haere ahau ki waho, ka pērā me mua rā, rūrū ai i ahau.” Heoi, kīhai ia i mātau kua mawehe atu a Ihowā i a ia.

Kātahi ka karanga a Hamahona ki a Ihowā, ka mea, “E te Ariki e Ihowā, kia mahara ki ahau, whakakahangia hoki ahau e te Atua i tēnei wā kotahi nei, kia ea tonu āianei ki runga i ngā Pirihitini tōku mate i ōku kanohi e rua.”

Kātahi ka whakaaturia e ia ki a ia tōna ngākau katoa, ka mea ki a ia, “Kāhore anō i pā noa he heu ki tōku māhunga; he Natari hoki ahau ki a Ihowā nō te kōpū mai anō o tōku whaea. Ki te heua ahau, kātahi ka riro atu tōku kaha i ahau, ā, ka kahakore ahau, ka rite ki te mano o te tangata.”

Nāwai ā, kāhore he rā i kapea tāna āki i a ia ki āna kupu, me te tohe ki a ia, ā mate noa iho tōna wairua i te hōhā.

Nā, ka mea a Hamahona, “Kia mate tahi ahau me ngā Pirihitini.” Ko tōna tino pikonga iho, me te whakapau anō i tōna kaha; heoi hinga ana te whare ki runga ki ngā rangatira, ki runga anō hoki ki te iwi katoa i roto. Heoi, tini atu i āna i patu ai i tōna oranga te hunga i mate i whakamatea nei e ia, i tōna matenga.