Beliebte Verse in Numeros 20

Teilen

Bhodïrï Gïr Nukadakami itïtïdai Moises ïmadï Aaron, —Gïn aagidi aanï mïxi aagidagi go odai sai gïn oidana ïgai sudagi dai aapimï gïïgï bhaiyoma. Ka maiti gin buaboitu aapimï dai maiti gin xadutugi pobuadatai aapimï buitapi go Israelitas. Xibi kaxkïdï mai bapakimu aapimï amïï Kanaanïrï xako gïn maatadai aanï ïmadï go gaa xi ami oidaka agaitadai aapimï— itïtïdai Gïr Nukadakami Moises ïmadï Aaron.

—Bhïkañi gï uxiakarui dai Aagidañi gï sukurhi Aaron xi gï soiñana ïmpaida go odami. Bhodïrï go odami buitapi aagidañi go gïï odai gobai sai gïn oidana sudagi. Busaimu sudagi go odaiñdïrï mos potïkai aapi daidi yïïdamu go odami ïmadï sosoigadï— itïtïdai Gïr Nukadakami.

Dai gokoaja gïïgï Moises go odai uxiaradïkïdï dai gïïpi busai sudagi. Daidi ka jii go odami ïmadï sosoigadï.

Dai bhodïrï Moises ïmadï Aaron ïmpagi go odami mïï buidïrï go odai ix makïdï agaitadai Gïr Nukadakami. Dai bhamu Moises dai itïtïdai go odami, —Arhiïxi ñiñokidaraga aapimï bïïxkatai— itïtïdai. —Dai xibi biakamu aatïmï xi busaidagi sudagi idi odaiñdïrï baida gayïdagi aapimï— itïtïdai Moises.