Beliebte Verse in Markos 6

Teilen

Tai arhiïxi mui daibuiña dadidakami bai mai ajïi tasai tomarhi ugida bïïtarï. Tai go Suxi potïtïdai mamaatïrdamigadï, —Tinda tïtai gïr iibïxta lachi maigobai xako ïgiga oidigi— itïtïdai.

Dai go Suxi potïtïdai aidï, —Daiñi, odami toma xako óídakami xadutudai go aagadami Diuxiañdïrï ñoki. Mosïkaxi ïïgi kiidïrï óídakami gia mai xadutudai ïmadï ix makïdï óídaga miadïrï xako gïrakami ïgai— itïtïdai Suxi.

Dai aidïxi ka tïbai go Suxi barkoañdïrï sai tïï ïgai go mui odami ix makïdï ami dadatadai dai soi gï ïrhiadan tïï. Kañiñiru ix makïdï mai bia xorai nukadakagi duu tïï ïgai tudu dai naana dukai maa aatagi.

Daidi go Suxi mai tïtïïgaitadai ixdukatai gï tïtïïgitoagi nïiditai xïïxi mai buaboitudai go odami. Dai ka mai bhaiga ïgai xi ibuadagi gïïgïrï aaduindagai ami xako gïrakami ïgai. Mos daama dáí noonobidï dai duadi chïki kokokoñiadï dai mosïkaxi. Bhodïrï jii ïgai abhiadïrï dai maigobai dadiji arhi kiiki xako chïchïkidu bhaabhaki dai ami gamamaakaiña ñoki.

Tai bhodïrï go Suxi bui go taama pan ïmadï ï goka batopa dai tai nïnïaba ïgai dai aataga ïmadï Diuxi. Bhodïrï saasarai go pan dai maa go mamaatïrdami bai ïgai takogidana go odami. Dai ï goka batopañdïrï ïpï takogi ïgai bïïxkatai. Dai uu go odami dai gïn tataxkobai ïgai bïïxkatai. Sïïrhikïdï mui odami bhibhi ïgai go panakïdï, mosïkaxi kïkïïrhi aitudai taama mirhi. Dai gokiïrï ka ugakai ïmpagi ïgai bhaibuxtama dan goka asarai susudakai bidadï go pan dai batopa sasakigadï.