Beliebte Verse in Hechos 3

Teilen

Kaxkïdï abïr ïma dukai gïn tïtïïgito aapimï dai ïmai boi bhïiyi, Diuxi amajako tudu. Buaboitudabïrai Diuxi bai ïgai buanadagi bïïxi gïn soimaaxkamiga ix makïdï ibuayi aapimï Diuxi bui. Aidï gia Diuxi Gïr Nukadakami gïn bhai gïn ïrhiatudamu.

Dïï go Piduru mos potïtïdai, —Maiti an bia tuminxi dïï gia ïma maaxi gia gï maakimu aanï— itïtïdai. Dai bhodïrï itïtïdai, —Kïkibañi dai aimïrada gubukadadïkïdï Suxi Kristo go Nasaretañdïrï oidakami— itïtïdai Piduru.

Bhodïrï go Piduru ïkadïañdïrï bhïiyi go kokoadï sïïrhixapadïrï ïkadï dai bañigi. Tai bhobaxdïrï gubukatu ïïkasodï. Dai ka mos tuarhi daa ïgai dai kïkiba. Dai kaxi aimïrai ïgai dai baa kiupiïrï ïmadï Piduru dai Juan. Dai ami apia tuarhi dadaimi ïgai aimïraitai. Dai kïïga ñokimi, aagaiña xïï kïï tuiga Diuxi.

Dai apia gamaakai ñoki go Piduru daidi ikaiti, —Aapimï kïï maatï idi kïïrhi ix makïdï ïr kokoadïkatadai. Daiñi, ïgai baa Suxi gubukadadïkïdï duayi idi kïïrhi. Kïïga buaboitu gobai kaïkai ix aagai aatïmï gubukadadï Suxi dai mos kïï buaboidakai duayi gobai. Dai aapimï ka nïidi ïpï— itïtïdai.