Beliebte Verse in Deuteronomium 8

Teilen

Cofiwch mai’r ARGLWYDD eich Duw ydy’r un sy’n rhoi’r gallu yma i chi. Os cofiwch chi hynny, bydd e’n cadarnhau’r ymrwymiad wnaeth e ar lw i’ch hynafiaid chi. Mae wedi gwneud hynny hyd heddiw.

Profodd chi drwy wneud i chi fynd heb fwyd, ac wedyn eich bwydo chi gyda’r manna (oedd yn brofiad dieithr iawn). Roedd e eisiau i chi ddeall mai nid bwyd ydy’r unig beth mae pobl angen i fyw. Maen nhw angen gwrando ar bopeth mae’r ARGLWYDD yn ei ddweud.

“Peidiwch anghofio’r blynyddoedd dych chi wedi’u treulio yn yr anialwch. Roedd yr ARGLWYDD yn eich dysgu chi a’ch profi chi, i weld a oeddech chi wir yn mynd i wneud beth roedd e’n ddweud.

Gwyliwch rhag i chi ddechrau meddwl, ‘Fi fy hun sydd wedi ennill y cyfoeth yma i gyd.’

“Gwnewch yn siŵr na fyddwch chi’n anghofio’r ARGLWYDD, nac yn peidio cadw’r gorchmynion, y canllawiau a’r rheolau dw i’n eu rhoi i chi heddiw.

“Dw i eisiau i chi ddeall fod yr ARGLWYDD eich Duw yn eich disgyblu chi fel mae rhieni’n disgyblu eu plentyn.

Bydd gynnoch chi fwy na digon i’w fwyta, a byddwch yn moli’r ARGLWYDD eich Duw am roi gwlad mor dda i chi.

Felly gwnewch beth mae e’n ddweud, byw fel mae e eisiau i chi fyw, a’i barchu.

Rhoddodd fanna i chi ei fwyta (profiad dieithr i’ch hynafiaid chi) er mwyn eich dysgu chi a’ch profi chi, a gwneud lles i chi yn y diwedd.

Pan fydd gynnoch chi fwy na digon i’w fwyta, tai braf i fyw ynddyn nhw, mwy o wartheg, defaid a geifr, digon o arian ac aur – yn wir, digon o bopeth – gwyliwch rhag i chi droi’n rhy hunanfodlon, ac anghofio’r ARGLWYDD eich Duw, wnaeth eich achub chi o wlad yr Aifft, lle roeddech chi’n gaethweision.

Mae’r ARGLWYDD eich Duw yn mynd â chi i wlad dda, sy’n llawn nentydd, ffynhonnau a ffrydiau o ddŵr yn llifo rhwng y bryniau. Gwlad lle mae digon o ŷd a haidd, gwinwydd, coed ffigys, pomgranadau, ac olewydd, a mêl hefyd. Felly fyddwch chi byth yn brin o fwyd yno. Ac mae digon o fwynau i’w cloddio o’r tir – haearn a chopr.

“Rhaid i chi gadw’r gorchmynion yma dw i’n eu rhoi i chi heddiw. Os gwnewch chi hynny, cewch fyw, bydd eich niferoedd chi’n tyfu, a chewch fynd i mewn i’r wlad wnaeth yr ARGLWYDD addo ei rhoi i’ch hynafiaid chi.

Am bedwar deg o flynyddoedd, wnaeth eich dillad chi ddim treulio, a wnaeth eich traed chi ddim chwyddo.

Daeth yr ARGLWYDD â chi drwy’r anialwch mawr peryglus yna, oedd yn llawn nadroedd gwenwynig a sgorpionau. Roedd yn dir sych, lle doedd dim dŵr, ond dyma’r ARGLWYDD yn hollti craig, a gwneud i ddŵr bistyllio allan i chi ei yfed.