Beliebte Verse in Deuteronomium 10

Teilen

“Nawr, bobl Israel, beth mae’r ARGLWYDD eich Duw eisiau i chi ei wneud? Mae e eisiau i chi ei barchu, byw fel mae e wedi gorchymyn i chi, ei garu, ei wasanaethu â’ch holl galon ac â’ch holl enaid, a chadw’r gorchmynion a’r arweiniad dw i’n eu pasio ymlaen i chi heddiw. Wedyn bydd pethau’n mynd yn dda i chi.

Mae’r ARGLWYDD eich Duw yn fwy pwerus na’r duwiau eraill i gyd, ac yn Feistr ar bob meistr arall. Fe ydy’r Duw mawr, cryf a rhyfeddol, sy’n ddiduedd, a byth yn derbyn breib.

Felly newidiwch eich agwedd, a pheidio bod mor benstiff!

Mae e’n gwneud yn siŵr fod plant amddifad a gweddwon yn cael cyfiawnder, ac mae e’n caru’r mewnfudwyr, ac yn rhoi bwyd a dillad iddyn nhw.

Fe ydy’r un i’w foli. Fe ydy’ch Duw chi, yr un dych chi wedi’i weld yn gwneud pethau rhyfeddol ar eich rhan chi.

Rhaid i chi barchu’r ARGLWYDD eich Duw, ei wasanaethu, aros yn ffyddlon iddo, a defnyddio’i enw e’n unig i dyngu llw.

Yr ARGLWYDD sydd biau popeth sy’n bodoli – y ddaear a’r cwbl sydd arni, a’r awyr, a hyd yn oed y nefoedd uchod.

Felly dylech chithau hefyd ddangos cariad at fewnfudwyr, achos pobl o’r tu allan oeddech chi yng ngwlad yr Aifft.