Beliebte Verse in Matíe 27

Teilen

Kosúgbòglìyi ta a tányɩɛ́, Zozíi bhɩa wɔlɩ́, ɔ́ anɩ́: « Elíi! Elíi! Lama sabatani? » Ɩ́ gba ŋwɔ́ɔ mà: « À Tʋ́ Lagɔ̀! À Tʋ́ Lagɔ̀! Ɛ̀kʋ̀ʋ̀ bhè ɩ̀ sa mɔ́ɔ glɔ̀gbá jɩ̀ a? »

Dáamúó, Lagɔ̀wlʋ̀ɔ̀ a mnɩ́ a lɔkwɩɛ́ kʋ̀ mɔ̀ a, ɛ́ yralɔ mʋ́ pɩ́ sɔ́ ɛ́ bháa lagowlú lé ɛ́ ŋnɩ zɔ̀, dʋ̀dʋ tɩtɛɛ̀, cɔ́kwɩ yrayralɔ mʋ́, lési kalɔ klʋ́ lé Lagɔ̀nyʋ̀à kɔ́kɔ́mnɩ́ɛ́ à kú wá a, á galɔ̀.

Bhè Zozíi bhɩa sɔ́kʋ́ wɔlɩ́ a, ɔ́ɔ dí nyobhuo.

Wlɔmɛ́ɛnyʋa a sʋ́jàà a cífɩɛ́, lé sʋ́ja ànàà à gla Zozíi klʋ́ a, tányɩɛ́ mʋ́ dʋ̀dʋ̀ɔ̀ tɩtɛɛ̀ lé á yɛ́ wɔlɩ́ɛ́ fɩ́ɛ́ ɩ̀ ŋnɩ a, ɩ́ la á ŋanɩmɛ kʋ́. Bhʋ́ á cí mà: «Nyɔɔ́ lìà ŋwɔ́ɔ wázɔ̀ cícása Lagɔ a Yuwliyʋ!»

Yrʋ́ a dunyɩ̀dɩ ŋnɩ, sɩ́tɛ̀ ɩ́ kʋ bhè cúcú plalɛ bhlɩ́ a lɔ̀fɩ́ɛ́ jɩ̀, ʋ́ kʋplada àààn lé kosúgbòglìyi a ta kla.

Pilátɩ anɩ́: «Bhè cégbá mʋ́ a yrá lé nɩ nɩ Zozíe a wlele Kláyɩ́sɩ a?» Á lɔ̀fɩ́ɛ́ á klu: «Kʋlɔ kúsu jɩ̀!» Pilátɩ anɩ́: «Bhè nyumosa gbá ɔ́ nɩ à?» Ɔ́ yrá bhlà sɩ́tɛ̀ bhè á klu sɔ́kʋ́, áa anɩ́: «Kʋlɔ kúsu jɩ̀!»