Beliebte Verse in Pianciilna 27

Teilen

Pathian in na tungah vantung daaitui hong pia hen a, na lote lei phasak tahen! An le sapittui tam mama hong pia tahen! Minamte na naseam suakin mihingte na mai ah kun tahen. Na beete theampo uk in, na nu suan le paalte na mai ah kun tahen. Nang hong haamsiatte haamsiatna thuak hen a, nang thupha hong piate thupha nga tahen,” ci hi.

Esau in, “Tu a sia kei hong theam a nii veina hi. A min Jacob ahi sia lamdang ngawl hi. Ama in ka taciil innluaza la zo a, tu in ka thupha hong laksak leleau hi. Kei atu in thupha khat khe ngawl ni ziam?” ci hi.

Tuaciang Isaac in ama tungah “Nang atu vantung pan daaitui om ngawl a, Nang atu a leipha lote om ngawl hi. Na namsau suangin na nungta tu a, Ahizong na suapuipa ii sila na hi tu hi Ahihang ama na leedo ciangin ama ii ukna panin na peng tu hi,” ci hi.

Esau in a pa tungah ngen veve lai a: “Pa awng, thupha khat bek ma nei ni ziam? Kei zongh thupha hong pia ta'n, Pa awng!” ci in ama kap hi.