Beliebte Verse in Santiagos 3

Teilen

Jam muꞌin meꞌ in muꞌin meꞌchuptety Jenꞌsiꞌ dyijyedyeꞌ in, muꞌin yedyej rụijsis dyijyedyeꞌ meꞌchuiꞌtyiꞌ in, jämꞌjiti bäꞌyi in, judyeyaꞌ jämꞌyedyeꞌtum bäꞌyi in, judyeyaꞌ seꞌvitidyeij in, judyeyaꞌ chimeꞌ ñịbeꞌ ĉọcsi in judyeyaꞌ nọ́tyetacsi yoctyiꞌ in. Chimeꞌdye muꞌin vaj cäts cạvacsi muntyiꞌ in, mijam fibiꞌnacdyeꞌtum bäꞌyi in, meꞌ buꞌyi muꞌin bäꞌyi in muꞌin Jenꞌsiꞌtum dyijyedyeꞌ bäꞌyity in.

Muꞌyaꞌ miꞌinĉantyiꞌ pạrej muntyiꞌ anic dyijyedyeꞌtumtyiꞌ jụijyaꞌ ĉúti, jemoñeꞌ rụij bäꞌyi, paj jam vaꞌbunyedyeꞌtum bäꞌyi. Meꞌ bäꞌyi jụijyaꞌ muꞌ, mọꞌyaꞌ raꞌ tupuj chị́yete yoctyiꞌ in anic dyijyedyeꞌtumtyiꞌ muꞌ.

Dyijtujaꞌ jämꞌjitidyes tsun, paj qui jiꞌjämꞌ yụꞌtacsejaꞌ muntyiꞌ in, meꞌ raꞌ chat rụij bäꞌyi muntyiꞌ in.

mọꞌdyes qui ĉụiꞌ dyijtutiĉaꞌ jụijyaꞌ, jiꞌfajquiyitiĉaꞌ jedyeꞌ jụijyaꞌ, meꞌ jụijyaꞌ tsun, aty raꞌ chutiĉaꞌ bäꞌjaꞌ tsun, anic qui raꞌ yịjyi aꞌc̣his cạjaꞌ.

Nemyaꞌ tsun timaꞌqueja Jenꞌ, chịmoꞌyaꞌdye nemyaꞌ tsun ñinacsejaꞌ muntyiꞌ in jämꞌtacsity Jenꞌ, yódyeijdyemꞌ muꞌ u, joꞌmeij jämꞌtacsi. Ĉụiꞌsiꞌyaꞌ nem tsun tupuj jiꞌshupquejaꞌ jämꞌsiꞌ timaꞌcacdyeꞌ judyeyaꞌ aꞌc̣his ñinacsedyeꞌ chimeꞌ, meꞌ meꞌ jiꞌshupquejaꞌ. Vojity, jam mọꞌ jämꞌ joꞌmes.

Rụijdye meꞌ, chụꞌĉansiꞌ nem tsun jeñej buꞌyiꞌ ac̣hiꞌtacsis tŝij. Aꞌc̣hisyaꞌ p̂eyacdyeꞌ tsun, mọꞌyaꞌ ac̣hiꞌtaĉaꞌ räj dyijyedyeꞌ tsun judyeyaꞌ aꞌ tsun. Sọyoꞌyaꞌ shupquiꞌ ferdyeꞌ nemsiꞌ tsun, räjenꞌ dyijyedyeꞌ muntyis muꞌin ac̣hiꞌtacsebiꞌ.

Mọꞌ qui namꞌ nem tsun jam tyi tupuj jiꞌdyäquibusinꞌ in, yejĉoiꞌ mọmoꞌ jiꞌshupqueꞌ aꞌc̣his p̂eyacdyeꞌ, jeñej venenotumsiꞌ meꞌ buꞌyiꞌ p̂eyacdyeꞌ tsun.

Vojity yụ, jam raꞌ daiꞌ yuꞌti jịꞌchiyacsity miꞌin. Chịj miꞌin muꞌ Jenꞌ dadamꞌ raꞌ fer mujuꞌchaꞌ jịꞌcäts yuꞌsinꞌ junꞌ chuc bäꞌjaꞌ tsun jịꞌchiyacsejaty tsun, jam jeñej yoctyiꞌ anicjetety in.