Beliebte Verse in Colosasĉantyidyes 1

Teilen

Muꞌ nash jiꞌc̣honsinꞌ tsun tojmadyeꞌĉantyiꞌyaꞌ ayoꞌ, chat qui yuꞌsinꞌ paj qui tsun ayotuja muꞌ mạꞌjeyacdyety Ạvaꞌ muꞌ.

Muꞌ Jenꞌ Cristotum räj jämꞌtacsi jedyeꞌ in, mạyedyeꞌches in judyeyaꞌ jacches in, jorojĉansiꞌ in judyeyaꞌ jam jorojĉansiꞌ in, anjer in judyeyaꞌ sọyoꞌ in, judyeyaꞌ fer buꞌyity in, judyeyaꞌ ayoꞌbuꞌyity in, judyeyaꞌ yụꞌtactyiꞌ chimeꞌ in, meꞌ meꞌ räj jämꞌtacsi muꞌ Jenꞌ Cristotum, chimeꞌdye Cristodyes jämꞌtacsi muꞌ Jenꞌ.

Jambiꞌdyemꞌ jämꞌtac jedyeꞌ in, tạꞌcaty muꞌ muꞌyaꞌ Cristo, muꞌdye räj yụꞌtacsi jämꞌ buꞌyiꞌ in räj jämꞌtacdyeꞌ muꞌ.

Cristo cạvetety jiquej in, muꞌ jorojĉanjisinꞌ muꞌ jam nạijtyejaty Jenꞌ, ĉaĉaij na Jenꞌ buꞌyi muꞌ Cristo. Muꞌ nash tashcheꞌ buꞌyity Jenꞌtyiꞌ ạvaꞌ muꞌ, muꞌ jam jämꞌtacdyeꞌ, mọꞌ na jämꞌtacdyeꞌ jam meꞌ in, anic moch in.

Tsun aty chị́quiyaꞌ mọꞌ jiquej, junꞌ chuc meꞌ anicyi miꞌin, chat qui tsun tiyacchuiꞌ cọdyete Jenꞌ miꞌindyes, mijam farajjeꞌ tsun cọdyete Jenꞌ tsun miꞌindyes. Tsun cọdyete Jenꞌ paj qui tupuj chị́yeptinte miꞌin dyijyedyeꞌ muꞌ räj, paj qui anic mujuꞌchaꞌ dyijyedyeꞌtum judyeyaꞌ chị́dyeꞌtum bäꞌyi miꞌin, mọꞌ soꞌminacsiꞌ Jenꞌsiꞌ Ạꞌedyeꞌ muꞌ. Chat meꞌdye qui raꞌ rụij bäꞌyi miꞌin, joꞌmes nash muꞌ mạꞌjeꞌ Ayoꞌ tsun, paj qui räjĉan maꞌjotyinac muꞌ, meꞌ raꞌ chat räjĉan jämꞌyedyeꞌtum bäꞌyi miꞌin, paj qui yejĉoij chị́yetinte miꞌin junꞌ buty muꞌ Jenꞌ.