Beliebte Verse in Jäqui'ves Timoteodyes 1

Teilen

Jeshaꞌ, muꞌ Jenꞌ jam yuꞌsinꞌ paj qui quijnacdyeꞌtum bäꞌjaꞌ tsun. Muꞌ soꞌmisinꞌ paj qui ferdyeꞌtum bäꞌjaꞌ tsun, judyeyaꞌ paj qui mạꞌjeyacsejaty bäꞌjaꞌ chimeꞌ judyeyaꞌ jämꞌ ĉujcatiĉaꞌ chimeꞌ tsun, meꞌ meꞌ yuꞌsinꞌ.

Muꞌ nash jiꞌc̣honsinꞌ tsun judyeyaꞌ fayisinꞌ tsun paj qui yuꞌsinꞌ muꞌdyety tsun. Muꞌ jiꞌc̣honsinꞌ tsun, jam qui namꞌ ĉụiꞌsiꞌyaꞌ jämꞌyedyeꞌ tsun, junꞌ chuc jämꞌ bäꞌjaꞌ, muꞌ jiꞌc̣honsinꞌ ñịbeꞌjitidyesyaꞌ muꞌ ĉaĉaij na mọꞌ mạꞌjeꞌ muꞌ ĉụiꞌsiꞌyaꞌ dyijyedyeꞌ muꞌ. Jambiꞌdyemꞌ jämꞌse ọij jac jiquej, muꞌ Jenꞌ aty tạꞌcaty dyijyi junꞌ chuc raꞌ ñịbeꞌjisinꞌ Jesucristoyaꞌ.

Mọꞌdyes yụ jéye, jiꞌfercaca ĉụiꞌsiꞌ ĉojtyiꞌĉansiꞌ ferdyeꞌ mi, mọꞌ carijtacdyedyes soꞌminsiꞌ mi muꞌ Jenꞌ, yoquiꞌdyemꞌ yụ tocoꞌjeyeyaꞌ mi jiquej u unyaꞌ yụ.

Jam raꞌ tsị́cadyeꞌtum jiꞌjäctem Ayoꞌ tsun, mijam raꞌ tsị́cadyeꞌtum jiꞌjicdyiꞌ yụ mi. Meꞌ tsanꞌ ĉäꞌräij yụ Ayodyes tsun, jam raꞌ mọꞌ tsícatyibutim. Yejĉova carijtaca Jenꞌdyes, meꞌ raꞌ tsanꞌ mímun chimeꞌ ñịbeꞌ cạveꞌ voroꞌyedyeꞌyam, jam qui na ramꞌ farajjeꞌ mi. Muꞌ qui raꞌ Jenꞌ soꞌmin ferdyeꞌ mi tupuj qui dyichchuti mi.

Mọꞌdyes yụ ñịbeꞌ jiꞌcavin yụ in muꞌsidyes p̂eyacdyedyes muꞌ. Meꞌ tsanꞌ meꞌ cạveꞌ yụ, jam qui namꞌ otejjiti yụ, ĉaĉaij na yụ chị́yete muꞌ Jesucristo, muꞌcheꞌ ĉúti yụ. Chị́yete yụ muꞌ nash ferdyeꞌtumtyiꞌ, muꞌ tupuj ñutsjeꞌ mọꞌ p̂eyacdyeꞌ soꞌminsiꞌ yụ, mọꞌ raꞌ jam tätsiꞌ yejĉoiꞌ raꞌ junꞌ quiꞌ chuc ayij jadyiquis tupudyeꞌ.