Beliebte Verse in Tashches Juansi' 3

Teilen

Chätidyeꞌ ạvaꞌ yụ, jemoñeꞌ anic rụij mạꞌjeyacsejaꞌ tsun, jam raꞌ p̂eyacdyeꞌyamꞌ yéjaꞌ, jemoñeꞌ anic nọ́tacdyeꞌtum mạꞌjeyacsejaꞌ tsun.

Jesucristo jiꞌsäsdyi ujac tsundyes, mọꞌ anicsis mạꞌjitidyes jịꞌcavaqui, mọꞌdyes tsun jemoñeꞌ dyijtutiĉaꞌ junꞌ chuc tsun jiꞌsäsdyiĉaꞌ ujac vojitydyes tsun.

Äjyejamꞌ, junꞌ quiꞌ muꞌ Jenꞌ anic där mạꞌjisinꞌ u, där jämꞌ muꞌ ạvatusinꞌ tsun, muꞌ jísinꞌ: "Miꞌin nash ạvaꞌ yụ́tyiꞌ", jísinꞌ, mọꞌyaꞌ chị́jaꞌ mạꞌjitidyes muꞌ. Mọꞌdyes muꞌin úchety muntyiꞌ in jam chäyisinꞌ in tsun Jenꞌtyiꞌ ạvaꞌ muꞌ, ĉaĉaij na jam Jenꞌ chị́yete in.

Tyi chuc meꞌchuiꞌtyiꞌ juchaj, muꞌ nash Sọyoty ĉaĉaij na mọꞌ Sọyoꞌ tạꞌcas juchajtumsiꞌ. Muꞌ na Jenꞌtyiꞌ Ạvaꞌ muꞌ atsij paj qui meijjeshbiꞌ Sọyos carijtacdyeꞌ mọꞌ.

Tyi chuc Jenꞌtyiꞌ ạvaꞌ muꞌ, muꞌ jam yejĉoij juchaij, ĉaĉaij na ĉụiꞌsiꞌ tsạꞌsiꞌ Jenꞌsiꞌ muꞌ mọꞌ taĉan ĉojtyiꞌĉan muꞌ, mọꞌdyes qui muꞌ aty jam yejĉoij juchaij.

Muꞌ jedyeꞌtumtyiꞌ cạvete jụijyaꞌ yirity jayejjotaquity vojity muꞌ, jam qui namꞌ nọ́tyete jụijyaꞌ, mọꞌ jam rụij shupquiꞌ, jorojĉan itŝiꞌ mạꞌjitidyes muꞌ, mijam mạꞌjete Jenꞌ chimeꞌ.

Tyi chuc chiqueptety p̂eyacdyeꞌ muꞌ, muꞌ yejĉoij Jenꞌtum, chimeꞌdye muꞌ Jenꞌ yejĉoij muꞌtum. Muꞌ Jenꞌ soꞌmisinꞌ Ạꞌedyeꞌ muꞌ, mọꞌyaꞌ tupuj chị́jaꞌ muꞌ Jenꞌ yejĉoij tsuntum.

Mọꞌyaꞌ tupuj chị́jaꞌ tyijtyi buty Jenꞌtyiꞌ ạvaꞌ muꞌin, judyeyaꞌ tyijtyi buty Sọyoty ạvaꞌ mọꞌ. Tyi chuc jam rụij bäꞌyity in, judyeyaꞌ jam mạꞌjeyacsity vojity in, muꞌin jam junꞌ Jenꞌtyiꞌ ạvaꞌ in.

Ọij nash p̂eyacdyeꞌ seꞌvetiñes tashcheꞌ jiquej yiꞌ: jemoñeꞌ vaj meij mạꞌjitiĉaꞌ tsun.

Vojity yụ, jam raꞌ äjjetiñeꞌ miꞌin fáquinacyaꞌ in úchety muntyiꞌ in.