Beliebte Verse in മത്തായി 28

Teilen

അദ്‌ണാലെ ണിമ്മ എല്ല സാരിമ് പോയി എല്ല ജാദിഗണാമ് എന്ന് സൊല്ലുപഡി ണഡാക്കവാര് ആക്കിരി. അച്ചെ അപ്പാന്‌ദ്‌മ്, മഗാന്‌ദ്‌മ്, സാമിണിഗാല്‌ദ്‌മ് പേരിലി തണ്ണിക്കെ മുളുഗിസിരി. ണാന് ണിമാക്കെ സൊല്ലിര്‌ക്ക കാര്യഗാക്ക് കെ്ട്ട്‌പട്ട് ണഡാക്ക്യ ണിമ്മ അവാര്‌ക്ക് പഡിസിരി. ആന ണാനൊ, ഉലഗ കഡേസി മാട്ട്‌മ് ണിമ്മ്‌ദൊപ്പ ഇര്‌ക്കുവെ>> എന്ത് സൊന്നാ്.

അക്കുളെ ഏസു അവാര്‌ദ് പട്ട്‌ക്കെ ബന്ത്: <<മേലോഗണാമ് ബൂമിനാമ് ആള്‌റാദ്‌ക്കുള്ള എല്ല അദിഗാരണാമ് എന്ന് കയ്യിക്കെ തന്തിര്‌ക്കാ്.

ദൂദാ് അയ്യി പെ്ണ്ണ്‌മക്കാക്കെ: <<അഞ്ചാദി, കുരുസ്‌ക്കെ സേത്തി ആണി അഡിത്ത് കൊന്റ ഏസുണാത്തെ ണിമ്മ പരാക്കേര് എന്ത് എനാക്ക് തെര്യു. അയാള് ഇദിലി ഇല്ലെ. താന് സൊല്ലിര്‌ന്ത പാസെ അയാള് ഉജുറെ്ന്താ്. ണിമ്മ ബന്ത് അവാന ക്‌ഡാത്തി ബെത്ത പട്ട്‌ണ ണോഡിരി.

ഏസു അവാര്‌ക്കെ: <<ണിമ്മ അഞ്ചാദി, എനാക്ക് അണ്ണതമ്പിലണ പാസെ ഇര്‌ക്കവാര്‌ണ ഗെലീലേക്കെ പോയ ണിമ്മ സൊല്ലിരി. അവാര് എനാണ അദിലി ബെത്ത് കാണുവാര്>> എന്ത് സൊന്നാ്.

അവാര് മൂപ്പലോഡെ ഒന്റായി കൂഡി ഓസണെ എ്ഡ്‌ത്ത് പഡെയാളിഗാക്ക് മൊത്തന പണ കൊഡുത്തിര്‌ന്ത്: << <എമ്മ ഉറാങ്കിര്‌ക്കാട്ടി ഏസുദ് സൊല്ലുപഡി ണഡാക്കവാര് ജാമാത്തിലി ബന്ത് സാവുണ ത്‌റ്‌ഡി എ്ഡ്‌ത്ത് പോനാര്> എന്ത് സൊല്ലിരി. ഈ സേദി ണാഡ് അദിഗാരിദ് കാദ്‌ക്കെ എജ്ജിനാക്കി ണിമാക്ക് ബുദ്ദിമുട്ടു ബരാദെ അയാള്‌ണ ജമ്മാള്‌സ്‌റ കാര്യ എമ്മ ണോഡികൊള്ളുറേര്>> എന്ത് സൊന്നാര്. അച്ചെ അവാര് പണാണ ബാങ്കി എഗുദ പൂസാരി തലെവല സൊന്ന പാസെ സെയ്‌ദാര്. ഈ കദെ ഇന്റളാവുക്ക് എഗുദാര്‌ദ് പട്ടിലി സൊല്ലികൊണ്ട് ഇര്‌ക്കാര്.