Beliebte Verse in മത്തായി 21

Teilen

ണിമ്മ എന്താറ്റ്‌ക്ക് ബേ്ണ്ടി ണമ്പിക്കോഡെ പരേസ്‌ഗാട്ടി അദ് ണിമാക്ക് കെ്ഡേക്കു>> എന്ത് സൊന്നാ്.

അദ്‌ക്ക് ഏസു: <<ണിമ്മ സന്തേഗപഡാദെ ണമ്പിക്കുള്ളവാരായി ഇര്‌ന്ത, ണിമാക്ക്‌മ് ഈ അത്തി മരാണ ണാന് സെയ്‌ദാദ്‌ണ പാസെ സെയ്യ മുഡ്യു. അദ്‌താനെമല്ല ഈ മലേന <ഇദിലിര്‌ന്ത് അഡ്യോഡെ പ്‌ഡാങ്കി പോയി കഡാല്‌ക്കെ ബീ്> എന്ത് സൊന്നാല് ഗൂഡി അദ് അദേപാസെ ണഡാക്കു എന്ത് ണേര്‌മായിമ് ണാന് ണിമാക്കെ സൊല്ലുറെ.

അവാന്‌ദ് മുന്നുക്ക്‌മ് പിന്ന്‌ക്ക്‌മ് ണഡാന്ത് കൊണ്ടിര്‌ന്ത ആള്‌ഗ: <<ദാവീദ് കാല്‌കെ്ളേക്ക് പട്ടവാന്‌ക്ക് ഓസാന!>> <<ആണ്ടവാന്‌ദ് പേരിലി ബരവാ് ബാഗ്യക്കാറാ്!>> <<എല്ലാദ്‌ണ ബ്‌ഡ ഉജാന്തവാന്‌ക്ക് ഓസാന>> എന്ത് സൊല്ലി ബെല്ല്യാദ്‌ക്ക് ആലാത്ത് ക്‌ളാമ്പിനാര്.

പ്‌റ അവാര്‌ക്ക്: << <എന്ന് കൂരേന പരേസ്‌റ കൂരെ എന്ത് സൊല്ലുവാര്> എന്ത് എ്ള്‌ദിര്‌ക്ക്‌ദ്. ആന ണിമ്മ അദ്‌ണ <ത്‌റ്‌ട്ടാര് തങ്ക്‌റ അളെ> ആക്കി ബെത്തിര്‌ക്കേര്>> എന്ത് സൊന്നാ്.

<<സീയോന്‌ക്കാറാരെ: <ഇദാ ണോഡിരി, ണിന്ന് റാജാവു തണിമെക്കാറാനായി കള്‌ദെക്കുദ്ദാക്ക്, സൊമെ സുമാക്ക കള്‌ദെ കുട്ടിക്കുദ്ദാക്ക്‌ത്തെ ഏ്റി ണിന്ന് പട്ട്‌ക്ക് ബരാ്> എന്ത് സൊല്ലിരി>> എന്ത് സാമിദാസ് മേലെ സാമി സൊല്ലിര്‌ന്താദ് അദേപാസെ ണഡാക്ക്യ ബേ്ണ്ടിത്തെ ഇച്ചെ ണഡാന്ത്‌ദ്.

ഏസു അവാര്‌ക്കെ: << <കൂരെ ബേലെക്കാറാര് മോസ എന്ത് എ്റിന്തെക്കിന അദേ കല്ല് താനെ, കൂരെ എ്ഡ്‌ക്കാട്ടി എല്ല കല്ല്‌ഗണ ബ്‌ഡ മുക്ക്യമാന കല്ല് ആറ്റ്. ഇദ് ആണ്ടവനാലെ ണഡാന്ത്‌ദ്. അദ് ണമ്മ് കണ്ണ്‌ക്ക് അദിസ്യുള്ള കാര്യ ആയിര്‌ക്ക്‌ദ്> എന്ത് സാമി ബുക്കിലി എ്ള്‌ദിര്‌ക്കാദ്‌ണ ണിമ്മ ഇന്നിമ് പഡിക്കാലേഗ?

അദ്‌ണാലെ ണാന് ണിമാക്കെ സൊല്ലുറെ, സാമി ആള്‌റാദ്‌ക്ക് പട്ടവാര് ആര ണിമാണ തള്ളി എക്കി സാമി സൊല്ലുപഡി ണഡാക്ക ബേ്റെ ജാദിഗണ സാമി ആള്‌റാദ്‌ക്ക് പട്ടവാര് ആക്കുവെ.