Beliebte Verse in ഓഗന്നാ് 5

Teilen

ണേര്‌മായിമ് ണാന് ണിമാക്കെ സൊല്ലുറെ, എന്ന് ണായണ കേ്ട്ട് എനാണ സൊല്ലിബ്‌ട്ടവാന ണമ്പ്‌റവാര്‌ക്ക് എപ്പേക്ക്‌മ് ഇര്‌ക്ക പെ്ളേപ്പ് ഇര്‌ക്ക്‌ദ്. പാവ സെയ്‌ദാദ്‌ക്ക് കെ്ഡേക്ക ദണ്ടണേക്ക് അവാര് സിക്കാദെ സാവുലിര്‌ന്ത് തപ്പ്‌സി എപ്പേക്ക്‌മ് ഇര്‌ക്ക പെ്ളേപ്പ് കെ്ഡേസിര്‌ക്കാര്.

അവാ് അദിലി ക്‌ഡാന്തിര്‌ക്കാദ്‌ണ ഏസു കണ്ടാ്. ഇച്ചെ അവാ് ണോയി ക്‌ഡാക്ക്യ പ്‌ഡിത്ത് എത്തിന്യൊ ബര്‌സ ആയിര്‌ക്ക്‌ദ് എന്ത് ഏസുക്ക് തെരിന്ത്‌ദ്. അദ്‌ണാലെ ഏസു അവാന: <<ണിനാക്ക് ണോയി തെ്ളിഡൊ എന്ത് ആസെ ഇര്‌ക്ക്‌ദ?>> എന്ത് കേ്ട്ടാ്.

സാമി സൊല്ലുസുലാക്കണ ണിമ്മ സൊക്കാന പഡിത്ത് ണോഡുറേര്. എന്ത്‌ക്കെന്റ അദ് എപ്പേക്ക്‌മ് ഇര്‌ക്ക പെ്ളേപ്പ്‌ണ തര്‌ദ് എന്ത് ണിമ്മ ണെനേക്കേര്. ഈ സാമി സൊല്ലുസുലാക്ക ണാന് ആരെന്ത് എനാണ പറ്റി സൊല്ലി തര്‌ദ്. എന്ത്‌ട്ട്‌മ് ഉജുറു കെ്ഡേസ്യ ബേ്ണ്ടി എന്ന് പട്ട്‌ക്ക് ബര്യ ണിമാക്ക് മനേസ്സില്ലെ.

അക്കുളെ ഏസു അയാള്‌ണ: <<എ്ന്ത് ണിന്റ് ണിന്ന്‌ദ് ക്‌ഡാക്ക പായിന എ്ഡ്‌ത്ത് ണഡ>> എന്ത് സൊന്നാ്. അപ്പ്‌താനെ അവാ് ണോയി തെ്ളിന്ത് ക്‌ഡാക്ക പായിന എ്ഡ്‌ത്ത് ണഡാന്താ്. ആന അയ്യി ണാള് ഒയിവു ണാള് ആയിര്‌ന്ത്‌ദ്.

ഏസു അവാര്‌ക്കെ ഇച്ചെ സൊന്നാ്: <<ണേര്‌മായിമ് ണാന് ണിമാക്കെ സൊല്ലുറെ, മഗാന്‌ക്ക് തന്യെ ഒന്റുമ് സെയ്യ മുഡ്യമാട്ട. അപ്പാ് എന്ത സെയ്‌രാനൊ അദ്‌ണ ണോഡിത്തെ മഗാന്‌മ് സെയ്‌രാദ്. അപ്പാ് സെയ്‌രാദ്‌ണെല്ല മഗാമ് അദേപാസെ സെയ്‌രാ്.