Beliebte Verse in Malkus 6

Teilen

Pag lupus, yuk si Isa ninsila, “Sūng tabi. Pilay doꞌ tabi pa lahat yaꞌ magjama pahali-hali, kita-kitabi jaꞌ.” Ngkon na ilay bay halling meꞌ looy sabap meka jama salin-sunuꞌ na pa mman na ngabut sampay yaꞌ na san ga luu masa man da mangan ka ga rasul na.

Dari yuk si Isa ninsila, “Bong inawnan nabi, mastiꞌ binantug jaꞌ sina paninggai-paninggai jaꞌ ya. Sugaꞌ bong kinawnan jama ni daira man na bay sulig, minsan lūng-kampung na yaꞌ du magmaltabat niiya.”

Pag duwai ga si Isa man taꞌ kumpit, pag ndaꞌ na, ndang sakiyan na jama ngagad iya. Iya siꞌ tu kapaluuy na ninsila sabap subay ga sila baanan bili-bili ma yaꞌ luu tukang ngipat sila. Dari ilooy ma nagnaꞌ na baw ya noan sila kajinisan.

Dari eleng-eleng na si Isa pagka yaꞌ kuhi pitsayaꞌ siga jama ndooy. Sangkon yaꞌ na meka pakaradjaan kahaylan-haylan bay tapōꞌ na ndooy. Kamasaꞌ luu gi du baw disu-disu jama saki bay kaulian poonan na bay nappak bumbunan da. Pus meꞌ looy, lay na ya ngalataan kakawum-kawman sarī masaplag umanat Tuhan.

Pag-anu, lay na kaddoꞌ si Isa tinapay looy sikalimam batang ka daying looy sikaduwa, boꞌ na pahangad pa taꞌ langit sambayan na muwan pagsukuhan pa Tuhan. Pag lupus, pinong-pōng na meꞌ na ga tinapay looy ka ga daying looy boꞌ sinongan na pa mman siga mulit na nohoꞌ man makan ga baanan jama looy. Dari siꞌ, lay na sila sikamimon mangan sampay sso na ga sila. Pag lupus, luu gi bay pumpung da sapu-duwa bakaꞌ pannoꞌ leꞌ pisan tinapay ka daying bay takapin.