Beliebte Verse in Panagnaan 19

Teilen

Sampay nda si Lut, lay na du bay talapay meꞌ balaꞌ looy sabap yaꞌ ya bay ngasip san lay na ya binandaan yaꞌ nohoꞌ pateleꞌ. Dari pagka ya bay pateleꞌ, lay na ya dari timus batu meꞌ bantuk jama-jama.

Sugaꞌ kuwan si Lut baw siꞌ tu, alang-kapalang lagi. Lipara, man timbang Tuhan, magti sinintak meꞌ ga malaikat looy ga tangan si Lut ka ga anak-nda na boꞌ da binoo pa poan daira looy.

Luu jaꞌ siꞌ sila ni poan daira, yuk malaikat looy disu ninsila, “Sonse kam patangkas mari kam llum! Daa na san kam pateleꞌ! Maka daa na kam patagong ni kapantayan tuu. Sonse kam pilay pa kapunu-punuhan looy.”

Dari meꞌ looy na siꞌ, tud lay na du hinansu meꞌ Tuhan ga daira looy ndooy ni labbak man si Lut bay maglahat. San meꞌ looy, yaꞌ du bay takupan Tuhan bay paku si Ibrahim, batan lay du bay lakkahan na si Lut man jawom balaꞌ looy mari salamat.