Beliebte Verse in Panagnaan 17

Teilen

Pag taabut siyampuꞌ-siyam taun umu si Ibram, lay na baw ya tinammuhan meꞌ Papuꞌ pabalik. Yuk Papuꞌ niiya, “Aku na situ Tuhan Sangat Kawasa. Batnaa mōꞌ doꞌ ku pagsulutan ni antaraꞌ kau ka aku. Mmeꞌ jaꞌ ko ni kahandak ku maka buwat jaꞌ ko kaintongan, boꞌ nu buwanan ku panubuꞌ paeka banahan.”

Sangkon awon nu si Ibram halin ku na pa si Ibrahim, hati na, ‘mmaꞌ jama sakiyan,’ batan bbos-bbos ina pabuwat ta na ko poonan jinisan kabangsa-bangsahan.

Pagsulutan ku itu ka kau sampay na ga panubuꞌ nu pangkat-mamangkat yaꞌ na situ baluba ku saumu. Aku na Tuhan nu saumu sampay na ga panubuꞌ nu.

“Ni pagsulutan ta ma pōꞌ ku batnaa, kau na sina mintu poonan jinisan kabangsa-bangsahan.

“Ohoꞌ ba,” yuk Tuhan, “sugaꞌ meꞌ halling ku na siꞌ, luu du sina mintu anak bi ka si Sara. Pag pōꞌ na, awnan nu si Isahak. Iya na sina mintu sampay na ga panubuꞌ na ma pasunuꞌ ngantanan pagsulutan ta ma yaꞌ tabaluba saumu.

Batnaa tu, masi gi ko jama sampi ntuu ni Kanan, sugaꞌ bbos-bbos lahat tuu labbasakayi dean ku na kau sampay na ga panubuꞌ nu. Kaam na sina mintu dapu saumu. Maka aku du sina mintu Tuhan ma mangatas ningkaam.”

Pag takale meꞌ si Ibrahim meꞌ looy, magti ya sujud pabalik. Sugaꞌ lay gi du baw ya kapatatto batan njawom atay na, “Pooy gi doꞌ tu meꞌ ku hanak? Dahatus taun na bitu umu ku! Damikiyan, si Sara pun, siyampūꞌ taun na umu na.”

Maka yuk Tuhan lagi man si Ibrahim, “Kuwan nda nu, daa na awnan nu si Saray. Labba man batnaa, awon na si Sara na.

Dari inaa na sina sipat mmeꞌ na kam ni pagsulutan tabi.

Sugaꞌ bong baw ni bay pagsulutan ta siꞌ, basta subay labuꞌ pa anak nu si Isahak. Yaꞌ na du sina hallom, pinamaddihan na du ya meꞌ si Sara, magkulang-labi ni buwan tuu ni taun tuu ma sinōng.”

Labba man batnaa, pangkat mamangkat, sagannap lalla ma bahau pinamaddihan njawman bi subay islamun bi taabut wawuꞌ ngallaw umu da. Sampay ga ata bi ma bay pinamaddihan ni lumaꞌ bi ka ga ata ma bay binalli ni poan subay du inislam. Meꞌ looy ilay, luu na sipat ni baran bi tandaꞌ lay na kam tabeꞌ ni pagsulutan tuu ma yaꞌ tabaluba saumu.