Beliebte Verse in ഓകന്നാൻ 8

Teilen

ഏശു പിന്നയം ആള്കളോട പിര്പ്പ്ത്തിയിട്ടപ്പൻ, “നാന് ഒലകത്ത്ന്റ വെട്ടമാണും; എന്റ പിറ്റ വെന്റാള്കള് ഇറ്ട്ടീല് നടക്കാണ്ടി ഉശ്റ്ന്റ വെട്ടമൊള്ളവൻ ആകും” ഇന്റ് പേശിയാൻ.

അപ്പിനിക്കി നിങ്ങ്ക്ക് ശത്തിയം എന്തനിന്റ് തിക്കൊണ്ടാകും; ആ ശത്തിയം നിങ്ങ്ക്ക് വിട്തല് തെരത്തം ചെയ്യും” ഇന്റ് പേശിയാൻ.

അവനീല് നമ്പിയ എകൂതൻമാരോട ഏശു, “എന്റ വയനം നിങ്ങ കേക്കന്റതിന്റെ ശത്തിയമാഞ്ഞും നിങ്ങ എന്റ ശിശിയൻമാര് ആവ്റ്.

അത്കൊണ്ട് കയ്യൻ നിങ്ങ്ക്ക് വിട്തല് തന്തെ ശെരിക്ക്മൊള്ള വിട്തല് കിട്ടും.

അവങ്ങ പിന്നയം പിന്നയം അവനോട ചോത്തിയങ്ങള് കേട്ട്തിന്ന ഇര്ന്നപ്പൻ അവൻ അവങ്ങളോട, “നിങ്ങള കൂട്ടത്തീല് തെറ്റ്കുറ്റമില്ലാത്തവൻ ആത്തിയം അവ്ള്ക്ക് കെല്ല് എറിയിട്ടിൻ” ഇന്റ് പേശിയാൻ.

അത്ക്ക് ഏശു, “നാന് ശത്തിയമായിട്ടും നിങ്ങളോട പേശന്റൻ തെറ്റ്കുറ്റം ചെയ്യന്റവനൊക്ക അത്ക്ക് അടിമക്ളാണും.

ഏശു നെട്‌വ് നൂറ്‌ത്തി ഇര്ന്ന് അവളോട, “അക്കൂട്ടറൊക്ക ഏട? നിക്ക് ഒരത്തനം കുറ്റം വിതിച്ച്‌ലിയാ?” ഇന്റ് കേട്ടാൻ. അത്ക്ക് അവ്ള്, “ഇല്ല കർത്താവേ” ഇന്റ് തിരിച്ച് പേശീത്. “ഇന്റെ നാനും നിക്ക് കുറ്റം വിതിക്കില; നിയ്യ് പോ, ഇന്നി ഒരകാലത്തം തെറ്റ്കുറ്റം ചെയ്യേറ്” ഇന്റ് ഏശു അവളോട പേശിയാൻ.