Beliebte Verse in रोमी 6

Teilen

पापक कमाही मृत्‍यु हो, तर सित्तैम देजैना परमेश्‍वरक दान त हमार प्रभु येशू ख्रीष्‍टम अनन्‍त जीवन हो।

पाप टुन्‍हकम राज्‍य करुइया नैहो काकरकि टुह्र व्‍यवस्‍थक अधीनम नाहीँ तर अनुग्रहक अधीनम बाटो।

हम्र फे उहाँकसँग बप्‍तिस्‍माद्वारा मुक गारगैली। शक्तिशाली परमेश्‍वर बाबा आपन महिमाद्वारा येशू ख्रीष्‍टह मुवलमसे फेदोस्र जियादेल। आब हम्र फे पुरान जीवन छोर्क लौव जीवनम ख्रीष्‍टअस जिई।

आपन कौनो फे अङ्‌गह पाप करक लाग दुष्‍टक साधन हुइ जिन देओ। बेनसे अपन्‍हेह सारा हिसाबले परमेश्‍वरम समर्पण करो, काकरकि पैल्‍ह त टुह्र मुवल रलहो, तर आब त लौव जीवन पारख्‍लो। उहओर्से परमेश्‍वरक महिमक लाग असल काम कर्ना साधनक रूपम आपन पूरा शरीरक सदुपयोग करो।

हमन यी थाहाँ बा, पापक राज्‍य करल जीवन नाश हुई ओ हम्र पापक कैदी हुइटीरहनैपरी कैक हमार पुरान जीवन ख्रीष्‍टकसँग क्रूसम मुवागैल् बा

ओसहेँक टुह्र फे अपन्‍हेह पापक लाग मुवल तर परमेश्‍वरक लाग ख्रीष्‍ट येशूकसँग जियल सम्‍झपर्ठा।

ओसिन हो कलसे हम्र का कना? का परमेश्‍वरक अनुग्रह धेर पैटिरहक लाग हम्र पाप कर्टिरही त? अहँ, ओसिक कर्ना ठीक नैहो। पापक लाग त हम्र मुर्दा हुइटी, आब कसिक पाप कर्टी जियसेक्‍ठी?

ज्‍याकर बात मान्‍क चाकरी करक लाग अपन्‍हेह समर्पण कर्ठो, टुह्र ओक्रहेक कमारा हुइठो कना बात टुह्र नैजन्‍टो का? पापक कमारा होक ओक्रहे आज्ञापालन कर्ठो कलसे टुँहन मुवपरी, तर परमेश्‍वरक कमारा होक उहाँक आज्ञापालन कर्ठो कलसे टुह्र उहाँक सामुन्‍नेम धर्मी ठह्राजैबो।

टुह्र पैल्‍ह पापक कमारा रलहो तर आब टुँहन सिखागैल शिक्षा टुह्र हृदयसे पालन कर्ना होरलो। याकर लाग परमेश्‍वरह धन्‍यवाद ह्‍वाए। टुह्र पापक कैदमसे छुट्‌कारा पाक परमेश्‍वरक असल काम कर्ना कमारा होरलो।