Beliebte Verse in रोमी 1

Teilen

यी खुशीक खबर सुनैना महीह लाज नैलागट्‍, काकरकि विश्‍वास कर्ना सबजहन मुक्ति देहक लाग यी खुशीक खबर त परमेश्‍वरक शक्ति हो, पैल्‍ह यहूदीन दोस्र गैरयहूदी मनैन।

यी खुशीक खबरम परमेश्‍वरसे अइना धार्मिकता प्रकट होरहल, ओ यी धार्मिकता कना बात विश्‍वासमसे सुरु हुइठा ओ विश्‍वासम जो पूरा हुइठा। धर्मशास्‍त्रम फे अस्‍तह बात लिखल बा, “विश्‍वासद्वारा धर्मी ठह्रागैल् मनै जो जीवन पैठ।”

संसारक सृष्‍टि हुइल्‌ठेसे जो उहाँक बनाइल चिजले मनै परमेश्‍वरह जानसेक्‍ठ। परमेश्‍वरक अनन्‍त शक्ति ओ परमेश्‍वरीय स्‍वभाव जसिन नैदेखपर्ना गुण फे हुँक्र मजासे बुझसेक्‍ठ। उहओर्से हुँकन्‍हक बहाना बनैना ठाउँ नैहुइटन।

हुँक्र परमेश्‍वरह चिन्‍ह्‍क फे परमेश्‍वरह करपर्ना महिमा नैकर्ल, ना त हुँक्र उहाँह धन्‍यवाद देल, हुँकन्‍हक विचार काम नैलग्‍ना हुइलन ओ हुँकन्‍हक मूर्ख मन अन्‍धकारले भरगैलन।

हुँक्र परमेश्‍वरक सत्‍य बातह झूट बातसे साँटफेर कर्ल। सृष्‍टि करुइया ओ सड्‌डभर आदर पाइपर्ना परमेश्‍वरह छोर्क हुँक्र त उहाँक सृष्‍टि करल चिजिक पूजा ओ सेवा कर्ल।

परमेश्‍वरक रिस मनैन्‍हक पाप ओ दुष्‍ट कामक विरोधम स्‍वर्गसे प्रकट होरहल। हुँक्र आपन दुष्‍ट कामले सत्‍य बातह दबैठ।

उहओर्से परमेश्‍वर हुँकन हुँकन्‍हक्‍के घिनलग्‍टिक इच्‍छा अनुसारक काम कर देल। जन्‍नीमनै फे स्‍वाभाविक सहवास छोर्क जन्‍नीमनैनसे जो एक-आपसम अस्‍वाभाविक सहवास कर्ल। ओसहेँक पुरुषहुँक्र फे जन्‍नीमनैनसे हुइना स्‍वाभाविक सहवास छोर्क और पुरुषन्‍हक लाग जर्ल ओ पुरुषहुँकनसे जो घिनलग्‍टिक काम कर्ल। हुँक्र आपन शरीरम करल दुष्‍ट कामक लाग उचित दण्ड भोग्‍ल। हुँक्र परमेश्‍वरह देहपर्ना मान्यता देह फे छोर्ल। उहाँ असिक मनै खराबी कर्टीरह्‍हीँ कैक हुँकन हुँकन्‍हक्‍के कुविचारम छोरदेल।

हुँक्र अपन्‍हेह बुद्धिमान सम्‍झलसे फे मूर्ख हुइल। हुँक्र नाश नैहुइना परमेश्‍वरक महिमा करपर्ना ठाउँम नाश हुइना मनै, पशु, चिरैँचुरुङ्‌गन ओ घस्रना जनावरन्‍हक मूर्तिह पूजा कर्ल।