Beliebte Verse in Mariko 13

Teilen

Neeni musulwaa vvandu woose kiimba kya irina lyakwa. Kake ulya asisiriaa kumande ifurumia, yye akiaa.

Kyasia kwiiseń, laleń rembo! Fulya muteeshi kyeeri nkonu to uvaa.

Neeli vamukurikaa ini na imuṛiinga, manya mutaṛiikiswa nkindo mureraa-fo. Kake kilya muniingwaa kyeeri kyo kirereń. Amu nta ni ini mureraa-fo, mMumuyo Nsongori.

Iṛuvewu na isanga fisiaa, kake firero fakwa fo fisiaa kutu ndi.

Kake mboni ya nkonu to ana saa yayo ili ifikaa nta nndu eeshi, nta vamalaika vakee iṛuvewu ana nta Mwana kita Nde da.

Neeni ili mwitaa mboni ta fira na ntindi wa fira, manya mutakyangiswa! Kyawara ifi five, kake lyo ifurumia fiseere.

Kyasia neeni laleń rembo, fulya muteeshi kyeeri muni numba ashaa nakyo, akwaa ni ukwawuń ana akwaa nkio kari ana kyeeri nguku ya shawu yaikoro ana ngama kio. Amu atashe kibashuka akooye mulele. Na ikyo namuia ini, nakiia woose: Laleń rembo!

Amu uruka lukwimboo lukabe lungi na fingi umangi lukabane na lungi. Kundo kungi na kungi si ireremaa, ivaa-fo na soto. Nafo mfo fibookie fa mavaviswa.

Kake kyawara mbele nrumi shisha ya Iṛuva ikwaniswa vanduń va masanga woose.

Amu veengi vashaa na irina lyakwa veenumbuaa: Nniń ye. Nawo valembaa vandu veengi.

Kake ini kwiiseń mu veni! Amu vamurwaa numbeń ta fikwena, na ifo numbeń tawo ta iterevia mukabyo̱o̱-fo. Neeni mukurikwaa mbele ya masiingo na kwa mamangi kiimba kyakwa, kive nkyo myorusie ifo kwawo.

Amu vakwimboo Makristo a wongo na vaauya fisuku va wongo, nawo vaorusaa myorusie minini na fa iṛiikisa itandelolyo̱ lingi, amu vakooye mwaanya wa ireta na valya vakee vasaue, kifo kiivaa.

Kake ngyukiva ta mikonu ilya tikamaa iira llyo saa yaṛukaa ive llema na mwiri uretaa langa yayo. Na nyinyiri ta iṛuvewu tiwaa tuuka iṛuvewu, na finya ta iṛuvewu tiseniswaseniswaa.