Beliebte Verse in Luka 6

Teilen

Veń vandu va maako a iniinga vengi, amu neeni muniingwa. Nkyelelio kinuru kyansirio̱ na isikio̱sikio̱ kikee irikiarikia nkyo muniingwaa, mufukiye ifo misetoń yanu. Amu kyelelio kilya mweleliaa nakyo vengi nkyo neeni mwelelio̱o̱.

Nndu nsha, afisie findo fisha ifo nrimiń wamwi, areraa ifo fisha. Na ito nkasha, ifo findoń famwi fa ukasha afisie nrimiń, areraa ifo fikasha. Amu kana ka nndu kareraa kilya kiishule nrimiń wamwi.

Kake veń vandu va ikunda fituva fanu, veń vandu va itania vandu fisha na ivaakuya mutaveree iwiiṛio̱ kindo. Llyo na maṛe anu avaa meengi, neeni muvaa vana va ito akee ule ya foose. Amu ye ni wwoo aaviaa na akwaa walya vatamwaana na iwo vakasha.

Veń vandu va ililia vengi, sheeli na Nde yanu awore ililia.

Manya mutarere vandu fikasha, amu neeni mutarerwa. Manya mutaumisie vandu, amu neeni mutaumisio̱. Veń vandu va itia vandu sile tanu, amu neeni mutio̱ sile.

Kake kindo nkee imuia ini mukee ishaaranya: Kundeń fituva fanu. Iwo vamusule vatanień finuru. Valya vamudenga vaniingeń mboṛa. Iwo vamuteenda vaterevień kwa Iṛuva.

Na sheeli mufurie vandu vamutanie ini, neeni vatanień kuro da.

Na nndu kakukaba ui lwa usaa lumwi, mwaṛue na ilu lungi. Na nndu kakusoka nseto wa yeeṛia, manya kutamwime na ito kuṛee. Ulya woose akwombaa nniinge. Na ulya akusokaa ifo fafo, manya kutafure akuwiiṛie.

Amu wifo nri nnuru uvikaa nunda shikasha ndi, ana wifo nri nkasha umakii ivika nunda shinuru ndi.

Amu nri woose urambukaa na nunda tayo. Amu ifo nrueń vayaa-fo marwaa ndi, ana ifo miingeń vayaa-fo sabibu ndi.