Beliebte Verse in MEEKYENA 14

Teilen

Lyo mulalemi Nndumi Iruva-fo, nta mulairyae vandu va uruka yelo-fo, mashika wo vashevaa shoonga yeeru, na turuve ilya yeevasiikye yammaa yuuto unawe Nndumi Iruva, mmbo akee neese, mulavairyae-fo.

Nndumi Iruva ni mfoo nalarooyoo nngoo muni ilyilya, kaveva mwisarya urekwa na uravi, nawe nta nalashaamba nrekwa ni nndu nalalyamarye, mwitaiya vana uravi lwa vande yaawo, kufike irika lya kararu na lya kaana.

Kwakooya Nndumi Iruva alukunndya mmbo asheluniingaa uruka elu luve lweru nalwaate-fo nalo ni uruka lwiishwe malela na uki.

Kyeendi ishinga lyakwa we Kalebi, kimmba we atiri nrima wa ngata ingyi nnang'ani yakwe kashilatya na nrima moose, we nshemfita urukeny elo alelulollya, na ufyari lwakwe vasheikaya.

Vavieny, ni dede elyi shikee na muu, Nndumi Iruva aamba, shaasa yeni mulerera maaruny akwa aketa, niindo nshemutannyaa yeni

Nndumi Iruva kavesa Mose, Vandu yeva mmbo vashiminaa fika indii? Valashikusiryaa nta? Lla elyi shilevatannya ngyende yeto toose veelollye.

Naasa vakakunung'unnya Mose na Aron, woose vakavavia, Kyeevaa kyeni kukooye lulefiiya kulya urukeny lwa Misri, ao, nkyeni deny lufiiye kunu kasa eka.

Na Yosua mwana wa Nuni na Kalebi mwana wa Yefune vakaranndwa soori tawo mmbo valya valendesaiya uruka vakarera na vana va Israeli woose vakavavia, uruka lulya luleira nafo lundelusaiya ni uruka usha nnu deny.

lyo kya dede, elyi shiiyoo na ulana lukaishwa itumbe lyakwa, kimmba vandu yeva valellollya itumbe lyakwa na ngyende takwa, tilya shiletana kulya Misri, na kunu kasa, lyo vakashifuluta indo ka ikumi, valaarannyi ukyeni lwakwa; ni dede yakwa mbashelollya uruka elo shilevikya vande vawo kyaasa-fo, neewo woose valeshimina nkwiiyo nta umwi waawo ashelulollyaa-fo