Beliebte Verse in Mapookyony 39

Teilen

Nndumi Iruva ekee amwi na Yosefu, nawe kammbesya nnu, nawe kava mwikaa mmba kwa nndumi wakwe, we Mmisri eto.

Fyoose eetiri kafira maakony a Yosefu; nalamanyi mbony ta kindo kyoose eetiri, kuuta shoonga yeyo yeelya sheni. Nawe Yosefu ekee nndu nsha, atiri kisangu kisennyi.

Nniini wa kifingyo kavika vafungwa woose makony a Yosefu, na fyoose fyetanyikaa-fo kava mmbwe afisalallyaa.

Mmi wakwe kaipoo Yosefu kamweera kifingyony, kundo vafungwa va mangyi vekee vafinngye, nawe kakaa-fo. Kyeendi Nndumi Iruva ekee na Yosefu, kallyillya, kanniinga yiirikyo efo misony a nniini wa kifingyony.

Naasa numa ya mbony eto, nka wa Potifa kalanga Yosefu, kashemmbia, “Kaa neeny.” Kyeendi we kalema, kavia nka yeto wa nndumi wakwe, “Lola Nndumi wakwa nnyeeshi kindo kyikee kyivike mmba kwakwe-fo, na findo fyoose atiri, mmbo afivikkye maakony akwa. Nkwiifo nta nndu ashing'annyi yeny-fo, nta, nnyashiimyi nta kindo kyimwi-fo, kuuta yewe kumuni, ni elyi kukee nka wakwe. Niindaany shitanaa uravi elu uniini shilyamarye Iruva?”

Naasa, nkonu umwi kaanga efo mmba naambo narunde mashora akwe, na nkweeiyo nndu ungyi efo mmba nkonu eto-fo; Naasa nka yeto wa Potifa kantira soori tapu, kammbia, “Kaa neeny!” Kyaindi Yosefu kanreeya soori ilya yakwe efo wokony, karisha kasomuka poo