Beliebte Verse in Marko 6

Teilen

Nawe kavavia, “Oshony yeni muveni mweende kyaanya kyany mukooye iimuya-u kyaangu!” Mashika mmbo neelyi vandu vee-fo veengyi veshaa na yeenda nawo nta valaoni mwaanya weelya shoonga.

Nalyo Yesu kavavia, “Nndu nkisuku nkwii-fo kundo aminwa, kulaore ni efo muriny kundo alelelyo na efo kwa vandu va ufyari lwakwe na efo kyeny kwakwe-fo.”

Naasa elyi aoloka ngalaveny kalollya kwankuummbya-u mamwiingyi wa vandu. Nawe kavatinywa nyelyi vakee sha mburu tilatiri mwiisi. Kapooka ivalosha mbony shiingyi.

Nawe nta nalaidimi itana-fo kindo kya wiidimi-fo, kulaore ni vandu vanana vaangu alevaekerya maako kavashiisa. Nawe katambiswa elyi valema indo ikusirya-u. Nalyo kava mweenda iira-ira efo miriny midu isengetye-u na ilosha-fo.

Nalyo kawarya mikate ilya iraanu na makunga alya avii, kalola efo iruveeu kaarafuma Iruva. Kafisha-fisha mikate ilya fyenga fyenga, kaniingyany valya vakiloshyony vandeavya vandu wo nndu kyakwe. Na makunga alya avii kavaavya woose. Vakalya woose, vakauura. Vakaveipoo na fipereshu mikusha ikumi na ivii