Beliebte Verse in 2 Petro 3

Teilen

Nndumi nnyakyeywaa iinutya fyaasa fyakwe shaasa vandu vengyi vakee ikusara mmbo ankyeeywa-fo, lyo mmbo asanda-fo imusisirya mbele mashika elyi nalakunndye nta nndu umwi nareke, naambo woose vakooye yaalashika mirima.

Lyo vakunde vakwa, loleny mulasheerekyo irero elyi, sheelyi kwa Nndumi nkonu umwi mmbo ummbiiye sha myaaka kyiku, na myaaka kyiku ikammbiiya sha nkonu umwi.

Lyo, endeny mwitumaa efo isaryeny lya Iruva, mwimanyaa Nndumi weeru we Mwiikira Yesu Kristo. Nnduma ni wakwe ulaalu na llung'anu.

Mashika lyo nkonu yeto wa Nndumi mmbo usheshaa tiny sha inyinyi, llyo nkonu yeto ngina ishekweete-u na ntiri nniini, na fyuumbe fyoose fya mbee fisheyaa na yeeka deny, na ulana loose na mashora a vayo moose mmbo ashesarummyaa.

Naasany kimmba findo efi fisheekaa indo, mmbo kimukooye yeni muve vandu va ngaa-kyi? Weendo lwany luve weele na utele. Mwivereyaa kutani nkonu yeto wa Iruva washa, na iwiitika; nato nkonu eto llyo ngina isheekaa na fyuumbe fyoose fya mbee fishesarumyaa na yeeka.