Beliebte Verse in 1 Petro 1

Teilen

Iruva naitikiswa, we Nde wa Nndumi weeru Yesu Kristo, yeto alelwiira lya kavii kyuuka na isarya lyakwe naambo luwoni ivika nsia elyo lyeende muu kimaruma kya iruka lya Yesu Kristo auka kwa vafu; Naambo luwoni ding'u yeyo ilalyamarikaa, ilatiri ivara, ilashuumaa, ikeeshisurumi iruveeu kimaruma kyany.

Mmbo mufuraa nnu kyeeri ekyo, na kikava ulaalu kyeeri ekyi kifii mmbo kimukooye irovyo ni fyeeso fya ngata shive na shive. Naambo elyi kikusiryo kyany kisheeswaa, nakyo mmbo kiilanyi saabu shoose yeyo yeeswa na muro, kushe nnduma na itumbe na wiindi, elyi Nndumi Yesu Kristo ashelolywa paa.

Muvevaka yeto alemuvaanga akee mweele, neeni muveva veele efo mikaayeny yaany; kimmba kikee kireiye indi, mmbo mushevaa veele shaasa neeny shikee mweele.

Veny sha vana vatiri wiindi mure mulasora lango tilya ta mbee teeriyani na utondo.

Kyasia, kaaryeny efo miriminy yaany, muve na mwiina findony fyany muvikye isarya elyo nsia deny eto muleorwa paa lya Yesu Kristo alesha.

Mashika, Mwiili wa nndu mmbo uvakye mare, na itumbe lya vayo lyoose nkimwi sha kivaro kya mare, mare mmbo ashumaa na kivaro kyaangare. Kyaindi irero lya Iruva mmbo lyakaa-u llung'anu. Na irero elyo ni irero llya isha lyileongowa kwany.