Beliebte Verse in Isaías 53

Teilen

Axha guke'e we xtole yel wednay kellon, bsakzi ake' le'e xtol damar kello ka', dan balleyrawen benen nench'na zullo wen, nike we ke'e kan badolello dan bayakllon.

Yoytello bnitllo ka xhirda'o, bnawllo xnez ke kello, axha Xanllon bxoe kulle doxhente daxhinj kello ka'.

Axha le'en noe'e yoyte da ka' llsakzi lli'on, benee banez da ka' llzoayiach lli'on. Lli'on benllo xbab ke Diozen benee le'e we, na bsakzie'e le'e na btitjre le'e.

be'nn nach ka' bi llazrall ake' le'e, na llalliy ake' le'e kale. Guke'e to be'nn bxhakzi, yorawe yel llalleyra'on. Ke to be'nn bi llayal re akre le'e, benllo le kaze, bi benllo le'e kuent.

Bsakzi ake' le'e, axha benze banez, na nike bsarjze llwe'en, na bche ake' le'e ke to xhirda'o raw yay bsej, na lliteze bzoe'e, na bi bsarj llwe'en, ke to xhirda'o ket llchib ake' yich xhaba.

Xanllon wenle'e wsakzie'e le'e. Na le'en be'e yel nban ke'en nike daxhinjen, gat yelnban xhen ke'e, na re're xhi'nn xhasoe ka', nike le'en gak kan nak xbab ke Xanllon.

Xanllon wenle'e chiw be'nn wen llin ke'en kan lliw to yix lleen na llyin ruen lo yu yechen. Bi nake wallajllu ni nbaraz, lloarawen bi naken zi chazrall-llo

Kelen'na Diozen we to latj ke'e radj be'nn ka' llze ken, na konen be'nn ka' nap yelwak gunee txhen sie'e dan ba guk gan'na. Le bsanlall kwine raw yel guten, na guke'e txhen radj be'nn wen damar ka', axha dali le'en bxoe'e kulle daxhinj ke be'nn zan, na bnabe'e ke be'nn wen daxhinj ka'.

Ket ba bde dan llsakzin na re're benin, ket nezre ka' soe'e nbaraz, be'nn wen dalixhajen llun llin ke Xanllon wasre'e be'nn zan, le wxoa kullen damar ke le aken.

Nike bi dol napze'e bche ake' le'e, na nutno gukren le'e, nutno gukzedre kan gak ke'en. Blall ake' le'e lo yun, bet ake' le'e ni ke daxhinj ke yell kian.

Na jakoach ake' le'e kwit be'nn wen damar ka' bkoach ake' le'e konen be'nn wen xhia ka', lakse ni to xhia bi benee, na ni tich di'll wxhiye bi blloj lo llwe'en.