Beliebte Verse in Keneses 27

Teilen

Iwe, Kot epwe fang ngonuk amurenipwin seni läng me pwülüöchün fanü pwe anom me ünümom repwe somwola. Chon ekewe mwü repwe angang ngonuk, nge chomong mwichen aramas repwe chapetiu me mwom. Kopwe samolun pwiüm kana, nge nöün inom repwe chapetiu me mwom. Epwe anümamau iö epwe anümamauok, nge epwe feiöch iö epwe afeiöchuk.”

Iwe, Esau a apasa, “A let pwe itan Jakop. Pun iei aruuen an atupuei. Iwe, a angeala wisei we wisen mwänichi, nge iei a angeala feiöchi we.” Mürin a aisini saman we, “Ifa usun, esap wor pwal eu feiöch ka iseis fän itei?”

Mürin, Isaak saman we a pälüeni, “Kopwe imweimw toau seni pwülüöchün fanü, pwal seni amurenipwinin läng. Kopwe manau ren noum ketilas, nge kopwe angang ngeni pwiüm. Iwe, lupwen om kopwe pöchökülela, epwap fis pwe kopwe towu seni fän nemeneman.”

Iwe, Esau a tüngormau ngeni saman we, “Ifa usun, a chök wor eu om feiöch, semei? Kose mochen kopwe pwal afeiöchüei.” Nge Esau a leüömong le kechü.