Beliebte Verse in Ekistos 16

Teilen

Iwe, ra üreniir, “Amwo aipwe fen mäla ren pöün ewe Samol mi Lapalap lon Isip, lupwen aia mot ngeni ekewe sepien fituk o mongö chomong sokun mongö. Nge ämi oua emwenikeemilong lon ei fanüapö pwe oupwe nikem meinisin ren echik.” Mürin, ewe Samol mi Lapalap a üreni Moses, “Üpwe apüngätiu mongö remi seni läng. Iwe, ekewe aramas repwe towu iteiten rän o ioni ükükün mongön eu chök rän, pwe üpwe sotuniir ika repwe apwönüetä ai allük ika resap.

Nge unusen ewe mwichen chon Israel ra lal ngeni Moses me Aaron lon ewe fanüapö.

Moses a pwal üra, “Ewe Samol mi Lapalap epwe ngenikemi fituk lekuniol pwe oupwe ochoch, nge lesosor epwe ngenikemi pilawa ükükün ämi mochen, pun a rongorong ämi lal ngeni. Pun iö äm? Ousap lal ngenikem, pwe oua lal ngeni ewe Samol mi Lapalap.”

“Üa rongorong än ekewe aramasen Israel lal. Kopwe üreniir, ‘Lefäf oupwe ochoch fituk, nge lesosor oupwe mongö pilawa ükükün mötümi. Mürin oupwe silei pwe ngang ewe Samol mi Lapalap ämi we Kot.’”