Beliebte Verse in सपन्याह 3

Teilen

तेरा परमेशर यहोवा तां बीचे रओआ, से उद्धार करने दे पराक्रमी ए, से तेरी बजा ते खुश ऊणे ते मगन ऊणा, से आपणे प्यारो रिया बजा ते चुप रणा, तेस गाणा, कऊँकि से तुसा रिया तँईं बऊत खुश ए!

मां तेस बखते ई तुसे लई जाणे ओर तेस बखते ई तुसे कट्ठे करने ओर जेबे मां तुसा सामणे तुसा रे बन्दी लोक वापस ल्याऊणे, सबी लोका तुसा री तारीफ करनी। ये तेबे ऊणा जेबे मां तुसा रिया आखी रे सामणे तुसा रे गुलाम वापस ल्याऊणे!” यहोवे ये सब बोली राखेया।

कऊँकि यहोवे आपणा न्याय करने वाल़ा आथ टाई लणा, ओर तेरे दुश्मणा री सेना ओरे-पोरे करी देणी। ओर इस्राएलो रे राजा यहोवे आपू तां बीचे रया करना! अन्तो दे तेरे कष्ट दूर ऊई जाणे, ओर तूँ फेर कदी बी बिपदा ते नि डरना।

तेस बखते मां तिना सबी ते जो ताखे दु:ख देओए, अन्त करी देणा ओर मां लंगड़े ठीक करने ओर जिना री बेज्जतिया री चर्चा सारी तरतिया दे फैली री, तिना री तारीफ ओर कीर्ति सब जगा दे फैलाणी।