Beliebte Verse in उत्पत्ति 37

Teilen

एकी दिने यूसुफे एक सुफना देखेया ओर तिने आपणे पाईया खे तिजी रे बारे दे बताया; तेबे सेयो तेस साथे ओर बी बैर राखणे लगे।

ओर इस्राएल आपणे सबी पाऊआ ते जादा यूसुफो खे प्यार करो था, कऊँकि से तेसरे स्याणदे बखतो रा पाऊ था: ओर तिने तेसखे रंग-बरंगा चोगा बणवाया।

पर तेसरे पाईए देखेया कि म्हारा बाओ आसा सबी ते जादा एसखे प्यार करोआ, तेबे सेयो तेसते बैर राखणे लगे ओर तेस साथे ठीक टंगो रे गलाओ पनि थे।

फेर यूसुफे एक ओर सुफना देखेया ओर आपणे पाईया गे तिजी रे बारे दे ईंयाँ बताया, “सुणो, मैं एक ओर सुफना देखेया कि सूरज ओर चाँद ओर ग्यारा तारे मांगे माथा टेकणे लगी रे।”

यूसुफो रे पाई तो तेसते जल़ो थे, पर तेसरे बाओ तेसरिया यो सब गल्ला आपणे मनो रे याद राखिया।

तिने तिना खे बोलेया, “जो सुफना मैं देखी राखेया, तिजी खे सुणो आसे सब जणे डोरूए रे पूल़े बानणे लगी रे ओर आऊँ क्या देखूँआ कि मेरा पूल़ा उठी की सीदा खड़ा ऊईगा, तेबे तुसा रे पूल़ेया मेरा पूल़ा चऊँ कनारो ते केरी ला ओर तेसगे माथा तेकेया।”

इजी खे, आओ आसे तेसखे काई की केसी गड्डे रे पाई देऊँए ओर ये बोली देऊँगे कि तेसखे कोई जंगल़ी जानवर खाईगा। तेबे आसा देखणा कि तेसरे सुफनेया रा क्या फल़ ऊणा।”

तेबे मिद्यानी बपारी तेथा ते ऊई की तिना गे पऊँचे। तेबे यूसुफो रे पाईए से गड्डे ते खींजी की बारे निकयाल़ेया ओर इश्माएलिया खे चाँदिए रे बीई टुकड़ेया रे बेचीता ओर सेयो यूसुफो खे मिस्रो रे ली आए।

ओर सेयो आपू बीचे बोलणे लगे, “देखो, से सुफना देखणे वाल़ा आऊणे लगी रा।

जिंयाँ ई तेसरे पाईए से दूरो ते आऊँदे ऊए देखेया, तो तेसरे नेड़े आऊणे ते पईले ई तेसखे काणे री तरकीब बणाई।

फेर रूबेने तिना खे बोलेया, “खून नि बाह्ओ, तेसखे जंगल़ो रे एते गड्डे रे पाई देओ ओर तेस पाँदे आथ नि उठाओ।” से तेसखे तिना रे आथो ते छुड़ाई की आपणे बाओ गे दुबारा ते पऊँचाणा चाओ था।