Beliebte Verse in Mateyo 21

Teilen

Kufumbwa ncomuyookumbila mukukomba muyoocitambula, kuti naa kamujisi lusyomo.”

Jesu wakabaingula kuti, “Ncobeni, ndamwaambila kuti naa kamusyoma akutadonaika, tamukooyoocita buyo eeci cacitika kumukuyu ooyu, pele kuti naa mwaamba kuti kucilundu eeci, ‘Zyuka aawa uliwaale mulwizi,’ ciyoocitika.

Lino bantu aabo bakali kweendela kumbele abaabo bakali kumutobela bakali koongolola bati, “Alemekwe Mwanaa Devedi! Ulilelekedwe ooyo uuboola muzina lya Mwami Leza! Amumulemeke nobakujulu lyamajulu!”

Wakati kuli mbabo, “Kulilembedwe kuti, ‘ŋanda yangu iyooitwa kuti niŋanda yakukombela,’ pele mwaicita ciyubilo cababbi.”

“Ambila bamumunzi wa Ziyoni kuti, ‘Kolanga mwami wako ngooyo ulaboola kulinduwe. Ulibombede, ulitantide ambongolo, ncobeni, amwana wambongolo.’”

Lino Jesu wakati kulimbabo, “Sena tiimwakabala mu Malembe kuti: ‘Bbwe ndibakakaka bayaki ndelyakaba bbwe liyandisi lyacooko. Mwami nguwakacita eezi, nkaako zilagambya kapati.’

“Lino ndamwaambila kuti muyoonyangwa bwami bwa Leza. Buyoopegwa kumusyobo uumbi uuyoozyala micelo iielede.