Beliebte Verse in MAAKI 13

Teilen

Numui gbi ta lololɔ a wue nya va, kɛɛ numui na lekee a liilo i to yeekɛlɛmɛi, a bawolɔ.”

Waa lema, wu valangɔ i yɛla, ajifa wuii hindei jisia ti wie-gbelei gɔɔ.

Ti wu houngaa ti li a wue Kotii gulɔ, wu lii aa hɛlɛ gbɔɔ mahoungɔ wu nde; watii na i hitingaa, a njɛpɛi nasia le ta ve wu wɛ ngamɛi na. Gbamaile njɛpɛi nasia wa nde tɛɛ yɛ a wu nda, ta gbua Kayema Yafei gama lɔ.

Ngelei taa dunyei ta nyanilɔ kɛɛ nya layie ɛɛ nyani.”

“Numu gbi ii kɔɔ migbe lɔ watii na a hiti, malikeisia vulii bɛɛ ti ngelegoohu tii kɔɔ; Ngewɔ Hindoloi ii kɔɔ, Ngewɔ mu Kɛkɛ yakpe mia i kɔɔngɔ.

Wu lii aa hɛlɛ ji wa kɔisia gɔwoi mɛni wu gbla kɛɛ ji wa kɔisia malɔwɔ mɛni kuhama. Hindei jisia nyɔkɔ ta wielɔ huɛɛŋ, kɛɛ tɛɛ kɛ kɛ kɛlɛmɛi i hitinga.

Wu valangɔ i yɛla, ajifa wuii watii na gɔɔ pɛlɛmɔi a wa tɛngaa a yɛ a kpɔkɔi lɔ ɔɔ kpindiliɛi ɔɔ ngewohui ɔɔ foloi hiyengɔi hu. I gbuangaa nga pu, aa male wu njii hu. Na ngi ndema wu ma, ngi ndema numui gbi lɔ va: wu valangɔ i yɛla!”

Kɛnyɛisia ta gɔlɔ a ti nyɔunyɔ tawao mahangeisia ta kɔi wɛlɛlɔ ti nyɔunyɔ ma; ndɔleisia ta gbɛlilɔ hinda gboto tawao mɛhɛɛ vɛli a walɔ. Hindei jisia ta wielɔ kia ndo-le-goohugbalei yeetɔtoomɛi na.

Kɛɛ pɛiŋ dunyei gɛlɛmɛi i ya hiti, Ngowili Yekpei a le pɛiŋ huɛɛŋ kɛnyɛi gbi hu.

Numu gboto ta walɔ tɛɛ ti yɛpɛma nya gbayei hu lɔ, ta nde tɛɛ, ‘Ta mia a nge’ tawao ta numu gboto wuhu baalɔ.

“Wua vulii waa lema. Ta wu houlɔ ti li a wue Kotii hu. Ta wu lewelɔ hɛɛ wɛleisia bu; jifa nya gaalopoisia a wue wa lolɔ maha waawangaa ti Kotii gulɔ. Yeewatii na mia wa gu a Ngowili Yekpei lela ti ma.

Gbamaile ndɛɛblɛisia ta hiyelɔ tɛɛ Ngewɔ Maha Heingɔi lɔ a tie kɛɛ Ngewɔ lutuisia. Ta kabande hindangaa wielɔ aako ti nasia vulii bɛɛ wɛlɛ Ngewɔ i loko longa ti ma ti bawova, ina ti guilɔ.

“Kpundɛ hindei nasia ti gbɔyɔngaa lekee a wiela, foloi a gbindilɔ, ngalui ɛɛ yaa voo, tumbekeisia ta gbualɔ ngelei ma ti gula tawao yeekpayɛi nasia ti ngelei ma ta jɛsialɔ.