Beliebte Verse in Bɔ-Koe-Iyipiti 12

Teilen

Mari ko tun, “N si tenbi Iyipiti nyamanɛ rɔ wulɔn suyi nyɛrɛ rɔ ka Iyipiti mɔgɛnuna den-kei-sarɛnu faga anubɛ anuna kolo-fen den fɔlɔtɛnu, a keimɛnu, kɔni. Nde le Mari la, min si Iyipiti bɛsɛ wara-koe halaki. Yele susanɛ bɔn minnu dɛ ma, yele wonu si ma tamasere la. Ni n ya tamasere wo yen bɔn minnu dɛ ma, n bi nta fitinɛ min nanala Iyipiti kɛnu ma, wo ti ke nyɔ.

Wo si to wo mirila tele kɛ ma. San-bo-san, wo si tele kɛ ma ladɛn-tele la nde, Mari ye, ka to kɛ mala habadan!”

Ni wola dannu ya ladɛn kɛ kɔrɛ manyinika wo la, wo ni a fɔ anu ye wo rɔ ko, ‘Wo tumɛ ma ye Iyipiti nyamanɛ rɔ, Mari ya Iyipiti kɛnu halaki kɔnɔ a ya male lakanan nyamanɛ wo rɔ. Woletɔ ma ye Kanan-Ko-Ladiyɛ kɛ kɛla san-bo-san ka sarakɛ bɔ mata Mari Alla ye.’ ” Mɔgɛnu ya anu madu dugi ma ka madiyali kɛ.