Beliebte Verse in Bɔ-Koe-Iyipiti 10

Teilen

Mari ya a fɔ Musa ye ko, “Ta Iyipiti mansɛ wara kamasɔrɔn n bara ale anubɛ ala mɔgɔ-banu yisi gbɛlɛya alako n si nta kabana-koe kɛnu mayira anu tɛma nya min. N bara ko-gbɛlɛmɛ minnu nana Iyipiti mɔgɛnu kuma ka anu kumakɔ nya min, wole si to wo fɔla wola dannu anubɛ wo mamanɛnu ye. Woletɔ wo damasi ni a lɔn ko Mari le nde la.”

Mari ya a fɔ Musa ye tun ko, “I bole rasagan san ma alako pinpi ni burun Iyipiti nyamanɛ rɔ bɛff, mɔgɔ ti sisi pinpi min na, kɔni.” Musa ya a bole rasagan san ma. Tele sawa, pinpi-fin-bɛ burunnɛ Iyipiti nyamanɛ bɛɛsi kuma bɛff. Anu ma ke anu nyɔgɔn yenna mumɛ! Tele sawa, anu fen-bo-fen ma ke bɔla da la. Kɔnɔ Isirɛla mɔgɛnu siginɛ kan min, pinpi ma dun nyɔ muk!

Musa ya ala sewuri rasagan Iyipiti nyamanɛ kuma. Mari ya fɔnyɔ do lana Iyipiti kuma ka bɔ tele-bɔɛ wara la. Fɔnyɔ telenta nala gben, a kira nala kudu! Wo banda kɛ sɔgɔma, anu tɛrɛnara kondɔn siyamɛnu na anu kuma, fɔnyɔ wo nara minnu na a bolo. Kondɔn wonu tugura Iyipiti kan tinɛ bɛɛ kun na. Kebi fɔlɔ wo nyɔgɔn kondɔn ma na bɛ nun, ado wo nyɔgɔn ti na tun.