Beliebte Verse in MARIKO 16

Teilen

Nake akĩmera atĩrĩrĩ, Thiĩi thĩ yothe mũkahunjĩrie andũ othe Ũhoro-ũrĩa-Mwega.

Nacio ciama ici nĩcio irĩtwaranaga na arĩa metĩkĩtie: nĩ ũndũ wa rĩĩtwa rĩakwa nĩmarĩtũmaga ndaimono ciume andũ; na nĩmarĩaragia thiomi njerũ; ningĩ nĩmarĩoyaga nyamũ-cia-thĩ, o na mangĩkananyua kĩndũ kĩngĩrĩa mũndũ gĩtingĩmehia o na atĩa; na nĩmarĩigagĩrĩra andũ arĩa arũaru moko, nao mahone.

Ũrĩa wa gwĩtĩkia na abatithio nĩakahonoka; nake ũrĩa wa kũrega gwĩtĩkia nĩakahootwo nĩ cira.

Nao magĩthiĩ, makĩhunjia Ũhoro kũndũ guothe, Mwathani akĩrutaga wĩra hamwe nao, na agĩĩkagĩra Ũhoro hinya na ciama iria ciatwaranaga naguo. Amen].

Nake akĩmera atĩrĩ, Tigai kũgega: ti Jesu mũracaria, ũrĩa wa Nazarethi, ũrĩa ũraambirũo mũtĩ igũrũ? Nĩariũkĩte; ndarĩ haha: onei handũ harĩa maramũigĩte.

Na maatiira maitho, makĩona atĩ ihiga nĩ rĩgaragarie rĩgathengio: amu rĩarĩ inene mũno. Na maatonya mbĩrĩra thĩinĩ, makĩona mũndũ mwanake aikaire thĩ mwena wa ũrĩo, ehumbĩte nguo njerũ; magĩkĩgega.