Beliebte Verse in Eksodɔs 20

Teilen

Emi nye EWURADZE wo Nyankopɔn a miyii wo wɔ Egypt asaase do, wɔ nkowaasom fi mu no. Mma nnya enyame fofor nnka mo ho.

Mma nnyɛ ohonyi bi, anaa adze a ɔwɔ wimu wɔ sor, anaa dza ɔwɔ asaase do wɔ famu, anaa dza ɔwɔ nsu mu wɔ asaase ase, ne saso mma woho: mma mmbɔ wo mu adze mma hɔn, na nnsom hɔn: na emi EWURADZE wo Nyankopɔn meyɛ Nyame nyinkufo a medze egyanom hɔn emumuyɛ bɔhwɛ mba, ekodu ebusuasantsen ebiasa nye anan a wɔtan me do

Dzi w’egya nye wo na nyi: ama wo nda aawar wɔ asaase a EWURADZE wo Nyankopɔn dze rema wo no do.

Kaa ahomgyeda no na sie no krɔnkrɔn.

Mma mmbɔ EWURADZE wo Nyankopɔn dzin gyangyan, na EWURADZE nnkɛma nyia no a ɔbɔ ne dzin gyangyan afa noho tɔtrɔtɔ.

Nda esia na yɛ edwuma, na dzi wo dwuma nyinara: na da a otsia esuon no yɛ EWURADZE wo Nyankopɔn ahomgyeda: mma nnyɛ edwuma biara wɔ mu, ɔwo o, wo babanyin o, wo babaa o, w’akowaa o, w’afonabaa o, wo mbowa o, wo hɔho a ɔwɔ wo kuropon mu o

Mma w’enyi mmber wo nyɛnko fi, mma w’enyi mmber ne yer, anaa n’akowaa, anaa n’afonabaa, anaa ne nantwi, anaa n’asoaso, anaa biribiara a ɔyɛ wo nyɛnko dze.

Mma nngye wo nyɛnko ho dasewia.

Mma nnto awar.

Mma nndzi ewu.

Mma nnwia adze.