Beliebte Verse in ROMA 5

Teilen

Nit siyag ane turuk lit weregma Kristus nit fahet war atfag ane ariyen Allah nit fahet indi nenesug ane inamap tibag.

Allahn let nenebuhu ulug nenehiyeg toho welaheyon ninindi siyag am fug teg. Allah hime fanowon ari og nisaruk lit Aren indi nenesug ane ari nit nunubam atisi.

Ihiyon ari eneg fug, aben nunusurukon fahet eke nenehiyeg toho welahe. Nunusurukon ariyen ninindi imbik wamburuk ane nonoluk atuk. Ninindi imbik wamburuk laheyon ariyen mun angge man angge fam wal nisarukmu osokowa fusuk teg lahe. Osokowa feseruk laheyon ariyen Allahn let nenebuhu ulug ninindimu nenehiyeg toho welahe.

Yesus Kristus unuk fam nit ninindimu tem toho wenggel haruk lahema Allahn nit ili og neneptisimu At min mangno roho welahe. At ubam ninindi wenggel haruk lahe ane ariyen Allahn indi nenesug lit werehon ino men mangno amuhup ulug sok hut neneptisi. Allah indi nenesuhon ino min mangno roho wereg lit Allah wereg ambeg lehoma lahuk ulug nangno ruruk lit nenehiyeg toho welahe.

Nit Allah unuk nenepeleg toho wereg lit ninine eleg toho weregma Allahn teko lahu pibag sambil Kristus nit fahet war atfag.

Kristus amep fam ketiya ili og neneptisimu we tem toho Allahn nunubam olok ane perukon fobik elehap tuhu.

Ap misihen Allah ele imbisibagma ap obog toho arimanowen siyag ane turuk latfag hag toho Ap misihen Allah ele fano holtisimu ap obog toho inindi pikit atuk lit fano ane turuk.

We ari eneg fug. Nonowe Yesus Kristus fam Allah men mangno atukukteg ninindi yuwahap neneptisimu niren Allah wel turuk lit nenehiyeg toho welahe.