Beliebte Verse in DEDI 37

Teilen

La hau na rudungu i Yuhupu na-manggadipangu, tàka ba napeka-yaka nuna na manggadipangu-na la aya-naka, bonjangu-madua-nanyaka na paumbi-danya.

I Yakupu narihi mbuhanya i Yuhupu welingu la anana hawiangu, nadu ba nadedi i Yuhupu ba mbàda kaweda-mànaka na amana. La hau na lodu na-pandoi-nya i Yuhupu hawàla kalembi bokulu ma-kanjupu manandangu-ya.

Ba daita-yaka paraï da ayana ba narihi mbuha-manyapa i Yuhupu welingu lai nyuda paraïna amada, ka paumbi-danyaka i Yuhupu hi lupa nda da-mbuhangu-mbu papanii pahàmu dànya nyuna.

Tunaka nu hili manggadipangu-nanyai i Yuhupu, hi napanii-nja da ayana, “Nyungga hili manggadipangu-nggunyai. Kuita-ya na matalodu, na wulangu dàngu ba hakambulu hauda da kandunu ba da-marubuku lai nyungga,” wàna.

Da ayana i Yuhupu da-malara-nya eti i Yuhupu, tàka na amana duna pa-daingu pangàda-mananya nuna na manggadipangu.

Yiana-yaka na papanii-na i Yuhupu lai nyuda, “Màla irongu! Nyungga ku-manggadipangu, talànga ni ndàbanda la woka ba ta-paingu uhu nggàndumu, wànggu, hi jia hadangu ndolaku biana na paingu-nggu nyungga. Da paingu-mi nyimi da-ndolaku winggiru-nya na paingu-nggu nyungga, hi da-marubuku-nya na paingu-nggu nyungga, wànggu,” wànanja.

Màla ka ta-pameti-ya ka tapuha-ya na metina la humuru mamàdu. Ka tapanii bia napa ba njàkapu-nanya banda bohu. Ka taita wànya napa jàka nggi - nggiki-daka da manggadipangu-na,” wàda.

tàka ba dali ninguka lai nu da tau danggangu Mindiangu, ba mapira-ha, ka padita-danyaka i Yuhupu welingu la humuru paraï da ayana hàla hi dangganya la tau Ihimailu nuda wàngu dua kambulu àmahu bara wilina. Tunaka nu ngàndi-danyaka la Mehiru paraï da nuda da tau danggangu.

Dapanii dàngga anguda, “Tàngaru, nàmunya-ka na makàli manggadipangu.

Welingu la ma-marau daita-ya i Yuhupu, dàngu ba ndedi natàka-nja, mbàda hàla-daka pa-pahamangu la pa-pameti-ya.

“Tawàngu papuha biaya la humuru la maràda telangu yiana, tàka àmbu tawàngu papalu-duya jàka ndia àmbu ta-pamanua-duya,” wàna. Nu hi panii tuna nu ba wuku-nanya pa-pamara-ya i Yuhupu ka paràha-nya pabeli la uma.