Beliebte Verse in Varoma 2

Teilen

Ahati uwe u dzi girago mulamuli wa vakwanu na wu gu vbanya nuwe nga avo. Wa gu pimisa gukhuwe u na vbuluga gulamudwa khu Nungungulu, gani? Khu ginani u yeyisago wuhindzi nya wukhongolo wa Nungungulu, ni gurula ni gutimisela gwaye? Wa gumba dziti nya gukhuwe wuhindzi wa Nungungulu wu ngu gu gurumedza gu vbindrugedza mavbanyelo yago, gani?

Khu kharato, uwe muthuwe u dzi girago mulamuli, gani u givbango muni, khu na nga ditshedzwa. Gikhati u lamulago vakwanu, wa gu dzi rwega nandru wabune, kholu iso u va lamulago khiso, u ngu si gira nuwe.

Kholu Nungungulu kha hatheli vathu.

Kholu muthu kha khali wa guluma mahoni ga Nungungulu khu guti Nayo basi. Aholu khu gu landrisa esi wu rumago Nayo.

Nungungulu a na hakhisa muthu ni muthu maningano ni mithumo yaye.

Aholu, a na tsayisa khu tshivba ava va mu wugelago, va si dzumeligo lisine, va gu landra ndzila nya guvivbe.

Aholu uwe u na ni monyo nya guvivbe, khu dzini gu dzi laya. Wa gu engedzela gitsayiso a nga gu ningago khu litshigu nya likhulo avbo Nungungulu a nga resago gulamula gwaye nya gululame.