Beliebte Verse in Genesi 27

Teilen

Nungungulu a na gu ninge thondrwane ya ndzadzini ni gunona nya mafu, gu na manege talo nya tirigu ni vbinyu! Mayigo ma na gu khozele, ma na khidzime mahundzu nya vathu mbeli gwago! Fumela vandriyago, mbelii gwago si na noge sanana sa mayi wago! A na vadwe oyu a na gu valago, a kategiswe oyu a gu kategisago.”

Esawu a di ganela, khuye: “Khu olu gikhati nya wuvili na gu nyi kanganyisa, khu guralo va nga mu thangisa lina nya gupwani khu Jakobe. Guhegula a nyi wandrede wukoma wangu, olu a nyi dzegede gikategiso gi nga bani gi gu nyi lumba.” A di engedza gambe a ganela, khuye: “Baba, ina kamwe khwa nyi vegela neni gikategiso gimwegyo, gani?”

Babe waye Isaki a di mu hakha, khuye: “Ndranga yago yi na hamuga gunona nya mafu ni thondrwane yi thegago khu vbatshani ndzadzini. U na vbanya khu litshari lago u na khala githumi gya ndriyago, aholu mugugimbilani gwago nya gulegalege, u na tshula kanga waye thamoni gwago.”

Esawu a di wudzisa babe waye, khuye: “Ina gikategiso gimwegyo basi u gu nagyo gani baba wangu? Nyi kategise neni baba wangu.” A di khusa lito a lila khu tshivba.