Beliebte Verse in Ekisodha 8

Teilen

Dzinyanga dzi di pima gu gira idzosaye khu wugengeli wawe nya gusihalege, gasi guvelegisa dzindraya, aholu dzi di tandrega. Dzindraya dzi di pomela vathu ni sirengo. Khu guralo, dzinyanga dzi di embela Faro, khidzo: “Khu Nungungulu a girago esi.” Aholu monyo wa Faro wu di banga, kha nga idzo a nga ganelago PFHUMU Nungungulu.

Khu hwane, PFHUMU Nungungulu a di embela Mosi, khuye: “PFHUMU Nungungulu a ngu ganela kharati, khuye: “Diga vathu vangu, va hongola va ya nyi thumela.

Aholu, avbo Faro a nga dzipwago na hefemudzidwe, a di bangisa gambe monyo waye, a bomba gu yingisa kha nga idzo a nga ganelago khidzo PFHUMU Nungungulu.

Wa gumba va diga va hongola, nyi na tshanisa litigo lago latshavbo khu vanyakhele.

PFHUMU Nungungulu a di engedza gambe gu embela Mosi, khuye: “Embela Aroni, khuwe: Khusedza ndronga yago u veta kudzudzwane nya mafu, gu na manega dzindraya tigoni gwatshavbo gwa Egipito”

PFHUMU Nungungulu a di gira kharato. Myamba nya yikhongolo nya mabhawa nya gutale ma di bela nyumbani ga Faro ni dzinyumbani ga dzindruna dzaye, ni litigo latshavbo la Egipito, li di tshaniswa khu mabhawa.