Beliebte Verse in MATIUS 3

Teilen

Nyatayang siq perbuatande bahwe side sampun betobat léman dose-dosende.

Beterus kedengahan suare léman sorge, “Niki Bije Tiang saq Tiang kasihin, Ie nyenengang Tiang.”

Sesampun tebaptis, Deside Isa sugul léman aiq kokoq nike. Selung-selung langit kebukaq, beterus Deside Isa cingakin Roh Allah turun ojok atas-Ne maraq ruen kedit dare.

Tiang baptis side kadu aiq jari tande bahwe side sampun betobat léman dose-dosende. Laguq Ie saq gen rauh pungkuran léman tiang, gen baptis side kadu Roh Suci dait api. Kuase-Ne beléqan léman tiang. Jari jauq sepatu-Ne doang tiang ndéq patut.

Kandik sampun tesadangang jari ngerebaq lolo jangke akah-akahne. Sebilang lolo saq ndéq ngasilang buaq saq solah, gen terebaq dait tetetéh ojok dalem api.

Yahya niki saq temaksut siq Nabi Yesaya sewaktu ie nyampéang niki, “Araq dengan saq bekuih-kuih léq padang gurun, ‘Pade siepang langan umaq Tuhan; dait rateang langan umaq Ie.’ ”