Beliebte Verse in MATIUS 19

Teilen

Deside Isa merhatiang ie pade terus bemanik, “Bagi manusie hal nike mustahil! Laguq bagi Allah nénten araq sopoq juaq saq mustahil.”

Jari ie pade ndéqne due malik, laguq sopoq. Keranaq nike napi saq tepesopoq siq Allah, ndéq kanggo teséang siq manusie.”

Jawab Deside Isa, “Napi side pade ndéqman bace léq dalem Kitab Suci bahwe Allah cipteang manusie, léman penembéqne Allah jariang ie pade mame dait nine? Dait manik-Ne, ‘Keranaq nike dengan mame gen bilin inaq amaqne dait besopoq kance seninene, make deduaqne jari sopoq.’

Make Deside Isa bemanik léq pengiring-pengiring-Ne, “Alurang kanak-kanak nike dateng ojok Tiang! Ndaq balaq ie pade séngaq dengan-dengan maraq niki saq bedowé Kerajaan Sorge.”

Laguq luwéq dengan saq mangkin niki jari penembéq, gen jari saq penutuq dait luwéq saq mangkin niki jari penutuq gen jari saq penembéq.”

Dait sebilang dengan saq sampun bilin balé, atao semeton mame atao nine, atao inaq amaqne, atao bije-bijene, atao kebon bangketne lantaran Tiang, dengan nike gen nerimaq satus kali lipet. Dait ie gen nerimaq éndah idup saq sejati dait kekel.

Deside Isa bemanik léq terune nike, “Lamun side mélé jari sempurne, lumbar, jual selapuq dowénde. Béng képéngne tipaq dengan-dengan miskin, make side gen mauq harte léq sorge. Sesampun nike side dateng turut Tiang!”

Jawab Deside Isa, “Kembéq side beketuan léq Tiang mengenai napi saq solah? Cume araq Sopoq saq solah. Lamun side mélé idup, side harus taat léq préntah-préntah Allah.”

Dait niki éndah saq Tiang gen sampéang léq side: Molahan onte tame ojok dalem loang jarum, ketimbang dengan sugih tame ojok dalem Kerajaan Allah.”

Tiang badaq side: Sai-sai saq séang seninene – padahal seninene nike ndéq nyeléwéng – beterus ie merariq malik kance dengan nine lain, artine dengan nike bezinah.”

Beterus Deside Isa bemanik léq pengiring-pengiring-Ne, “Tiang badaq side, sengke gati dengan sugih tame ojok dalem Kerajaan Sorge.