Beliebte Verse in MATIUS 1

Teilen

Mariam gen bijeang kanak mame, terus kanak nike harus side aranin Isa, séngaq Ie saq gen nyelametang umat-Ne léman dose-dose ie pade.”

“Setetune, sopoq dedare genten gen betian dait bijeang sopoq kanak mame. Kanak nike gen tearanin Imanuel.” (Imanuel nike base Ibrani saq artine, “Allah araq bareng ite”.)

Sewaktu Yusup masih mikirang hal nike, Yusup ngimpi. Dalem impine nike, Yusup serioq sopoq malaékat Tuhan saq bemanik tipaq ie, “Yusup, keturunan Daud, ndaq takut bait Mariam jari seninende; séngaq kanak saq tepetianang siq Mariam nike asalne léman Roh Suci.

Maraq niki riwayat kelahiran Deside Isa Almasih: Sewaktu Mariam, mamiq bini Deside Isa masih betunangan kance Yusup, ternyate Mariam sampun betian siq kuase Roh Suci sendéqman ie pade merariq. Séngaq Yusup tunangan Mariam nike, dengan saq tulus angenne dait ndéq mélé miaq Mariam ilaq léq julu dengan luwéq, ie beniat putus betunangan kance Mariam secare tedoq-tedoq.