Beliebte Verse in MATIUS 2

Teilen

Ughangtu masuak ke ghuma, nginak Kupiak itu ngan endu'Au Maria. Ughangtu nunduak nyemba Kupiaktu, dibukakkanyau bada retau bendaunyau, dienjuakkanyau emas, keminyan ngan damagh ghum.

Yesus lahir di Betlihim, timpau Herudis njadi rajau di daira Yudia. Yesus la adau, adau jemau ahli bintang jak di sebela matau-aghi idup datang ke Yerusalim. La sampai di situ ughangtu betanyau, kataunyau, “Di manau Kupiak diau empai adau batan Rajau jemau Yahudi? Kami la nginak bintangAu di sebela matau-aghi idup, mangku kami datang endak nyemba Diau.”

Alaka riangau ughangtu nginak bintang itu.

Mangku ughangtu baliak ke nenggeriau wuan jalan lain, karnau Allah la ngiciakka ngan ughangtu dalam mimpi, supayau jangan ngulang njenguak Herudis. La udim ditinggalkanyau jemau ahli bintang tadi, Yusup tekinak malaikat Tuhan dalam mimpi. Malaikattu bekatau, “Bangunla kaba, bata'ila Kupiak ini ngan endu'tu, mangku pegila nyingkir ke Mesir. Mendamla di situ, enggut aku ngulang ngiciak agi ngan kaba, karnau rajau Herudis ndala'i Kupiak ini endak mbunuAu.”