Beliebte Verse in PA'JARIANG 24

Teilen

Appala' doammi anjo suroa angkana, “O, Batara, Allata'alana karaengku Abraham, Kitulunga' sollanna akkulle kupa'jari baji' tugasakku anne alloa; baji' pa'mai' laloKi' mae ri karaengku Abraham.

Lakukana sinampe' ri kalase'renna ke'nanga, ‘Tulunga' nanupanaung bongkinu, siagang saresa' je'ne' inung.’ Punna appiali sinampe' angkana, ‘Angnginung maki', siagang untata pole lakusare ngaseng tongi je'ne' inung!’ iaminjo Napile Batara untu' atanTa Ishak. Punna kajariang anjo kammaya, lakuassemmi angkanaya baji' pa'mai'mi Batara mae ri karaengku Abraham.”

Le'baki anjo naerammi Ishak anjo Ribka antama' ri kemana tumate Sara amma'na, nampa nanikkai Ribka. Sanna' nangaina Ishak anjo Ribka; sa'genna kasaleorammi pa'mai'na si'naya lanri tenanamo amma'na.

Jari napa'biammi ke'nanga Ribka siagang tutoa baine biasaya amparakai untu' a'lampa siagang surona Abraham kammayatompa siagang ngaseng taunna anjo suroa. Nampa nabarakkakimo ke'nanga Ribka, siagang kana-kana kammaya anne, “Ikau Ribka, poro a'jariko anrong ri a'juta-jutaya tau! Poro turungannu akkullei nabeta kota-kotana musunna!”

Assumpamako lanri Batara, Allata'ala makoasaya ri langika siagang ri buttaya, angkanaya tena nalanupa'boyang baine anakku Ishak battu ri alla'na anne sikamma tu Kanaan. Musti ammoterekko mange ri pa'rasangang kalassukangku untu' ampa'boyangi baine, iamintu battu ri alla'na bija pammanakangku.”